جەتىسۋ وبلىسىندا جۇرگىزۋشى مەن جاياۋ جۇرگىنشى اراسىنداعى جانجالدىڭ سوڭى ولىممەن اياقتالدى
جەتىسۋ وبلىسىندا جاياۋ جۇرگىنشى مەن جۇرگىزۋشى جانجالداسىپ قالدى، - دەپ حابارلايدى Tengrinews.kz.
بۇل جانجال ۆيدەوعا ءتۇسىپ قالعان. كادردا قىزىل كولىك مىنگەن ەر ادام اقىرىن ءجۇرىپ بارا جاتقاندا جەردە وتىرعان ادامدى قاعىپ كەتكەنىن كورۋگە بولادى. جەردە وتىرعان ادام اشۋ-ىزاعا بۋلىعىپ، ونى بوقتاپ، كولىگىن قولمەن ۇرعان، جۇرگىزۋشى وسى كەزدە شىعىپ، ءبىر-اق ۇرعان، جاياۋ جۇرگىنشى قايتىس بولعان.
كەيىن جۇرگىزۋشى ەسىنەن تانىپ قالعان ادامدى كولىگىنە وتىرعىزعان.
جەتىسۋ پوليتسيا باسقارماسىنىڭ حابارلاۋىنشا، وقيعا 29-قازاندا ءۇشارالدا بولعان.
«سوققى العان 40 جاستاعى ەر ادام اۋرۋحاناعا جاتقىزىلىپ، كەلەسى كۇنى جانساقتاۋ بولىمىندە قايتىس بولدى، كۇدىكتى رەتىندە 35 جاستاعى جەرگىلىكتى تۇرعىن ۇستالىپ، الاكول اۋداندىق پوليتسياسىنىڭ ۋاقىتشا ۇستاۋ يزولياتورىنا قامالدى»، - دەپ حابارلادى پوليتسيا.
تەرگەۋ قىلمىستىق كودەكستىڭ 106-بابىنىڭ 3-بولىگى «ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ» بويىنشا جۇرگىزىلىپ جاتىر.
