جۇرگىزۋشىلەردىڭ بەنزينمەن جۇرەتىن كولىكتەرىن گازعا اۋىستىرۋىنىڭ سەبەبى نەدە

ايتۋىنشا، ەلدە سۇيىتىلعان مۇناي گازىنىڭ 1 ليترىنە 59-89 تەڭگە دەڭگەيىندە بەلگىلەنگەن تومەن باعاعا بايلانىستى وتىننىڭ بۇل ءتۇرىن تۇتىنۋ ءوستى.

- وسىلايشا، 2023-جىلى سۇيىتىلعان مۇناي گازىنىڭ ىشكى تۇتىنۋى 2287 مىڭ توننا بولسا، 2024-جىلى سۇرانىس شامامەن 2382 مىڭ تونناعا جەتىپ، 4 پايىزعا ارتتى. اۆتوكولىكتەردىڭ بەنزيننەن سۇيىتىلعان گازعا كوشۋىنىڭ باستى سەبەپتەرىنىڭ ءبىرى - باعا ايىرماشىلىعى. ىشكى ىستەر مينيسترلىگىنىڭ مالىمەتى بويىنشا، 2024-جىلدىڭ 11 ايىندا گاز قوزعالتقىشى بار اۆتوكولىكتەر سانى 661 مىڭ بىرلىكتى قۇرادى نەمەسە 2023-جىلمەن سالىستىرعاندا 12 پايىزعا ءوستى، - دەدى الماسادام ساتقاليەۆ.

سونىمەن قاتار، ول 2024-جىلدىڭ شىلدە ايىندا مينيسترلىكتىڭ بۇيرىعىمەن سۇيىتىلعان گازدى كوتەرمە جانە بولشەك ساۋدادا وتكىزۋدىڭ شەكتى باعالارى بەكىتىلگەنىن جەتكىزدى.

- ماسەلەن، وڭدەۋشى كاسىپورىندار ءۇشىن ەڭ جوعارى كوتەرمە باعا تونناسىنا 45158 تەڭگە، ال الماتى قالاسىندا سۇيىتىلعان مۇناي گازىنىڭ شەكتى بولشەك ساۋدا باعاسى 1 ليتر ءۇشىن 89 تەڭگە. وڭىردە 4 گاز جەلىسى ۇيىمى جانە 147 اۆتوگاز قۇيۋ ستانتسياسى بار. 2023-جىلى قالادا 118 مىڭ توننا سۇيىتىلعان مۇناي گازى تۇتىنىلدى. وسى جىلدىڭ قاڭتار-قاراشا ايلارىندا شامامەن 131 مىڭ توننا تۇتىنىلدى، - دەپ اتاپ ءوتتى مينيستر.

الماتى قالاسىن گازداندىرۋ دەڭگەيى 100 پايىزعا جەتتى. قازىر 2 ميلليونعا جۋىق ادام گازبەن قامتىلعان.

بۇعان دەيىن، الماسادام ساتقالييەۆ جانار-جاعارماي باعاسى قاتاڭ باقىلاۋدا ەكەنىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى