جەرى بار ادام مىندەتتى تۇردە مال ۇستاۋى كەرەك - قۇمار اقساقالوۆ
قوستاناي وبلىسىنىڭ اكىمى قۇمار اقساقالوۆ ءوزى باسقارعان ءوڭىردىڭ بارىندە نەگە ءسۇت تاۋارلى فەرما اشۋعا قۇشتار ەكەنىن ءتۇسىندىردى، دەپ حابارلايدى Kazinform.
«جىلىنا 10 تاۋارلى ءسۇت فەرماسىن اشۋ قاجەت دەگەن ماسەلەنى ءجيى كوتەرەسىز. ءسىز سولتۇستىك قازاقستان وبلىسىن باسقارعان كەزدە دە سولاي ايتاتىنسىز. سول باستاماڭىز ىسكە اسىپ جاتىر ما؟ قاشان يگىلىگىن كورە الامىز؟»، - دەپ سۇرادى ب ا ق وكىلى ورتالىق كوممۋنيكاتسيالار قىزمەتىندە وتكەن بريفينگتە.
اكىمنىڭ سوزىنشە، بۇل باستاما ازىق- تۇلىك يمپورتىنىڭ ۇلەسىن ازايتۋ ءۇشىن كوتەرىلەدى.
«وكىنىشكە قاراي، ازىق- تۇلىكتىڭ ءبىراز ءتۇرى شەتەلدەن ەلگە اكەلىنەدى. ونىڭ كوبى وزىمىزدە شىعارىلادى. مىسالى، سۇتتەن 10 ءتۇرلى تاۋار شىعارادى. ءبىراق مال شارۋاشىلىعىمەن اينالىساتىن ازاماتتار، وكىنىشكە قاراي، ءالى ازداۋ. سوندىقتان، مەنىڭ ءوز پىكىرىم - جەرىڭ بولسا مىندەتتى تۇردە مال شارۋاشىلىعىمەن اينالىسۋىڭ كەرەك. ويتكەنى اۋىلدى جەرلەردە جۇمىسسىز جۇرگەن ازاماتتار ءالى كوپ. ال ءسۇت تاۋارلى فەرمالارى كوپ جۇمىس ورنىن اشادى. ءسۇت تاۋارلى فەرمالارى اشىلسا، جىل سايىن ەڭ كەمىندە 35-40 ادام مىندەتتى تۇردە جۇمىسقا تارتىلادى. تيىمدىلىگى وسىندا. سونداي- اق ول - اتا كاسىبىمىز. ءسۇت پەن ەتتى تولىعىمەن شىعارىپ تۇرساق، ازىق- تۇلىك قاۋىپسىزدىگىن قامتاماسىز ەتەمىز. سوندىقتان كەمىندە 10 فەرما سالۋدى جوسپارلاپ وتىرمىز. بيىل 7 فەرمانىڭ قۇرىلىسى باستالىپ كەتتى»، - دەدى ايماق باسشىسى.
