جۇرەك وپەراتسياسى ا ق ش- تان 80 ەسە ارزان - قازاقستانعا 7 مىڭ ناۋقاس ەم الۋعا كەلگەن
شەتەلدىك پاتسيەنتتەر اراسىندا كاريوحيرۋرگيا، نەيروحيرۋرگيا، ستوماتولوگيا جانە ەكستراكورپورالدى ۇرىقتاندىرۋ قىزمەتتەرى سۇرانىسقا يە.
بۇل تۋرالى «استانا دامۋ ورتالىعى» ج ش س مەديتسينالىق ءتۋريزمدى دامىتۋ جونىندەگى باسقارۋشى ديرەكتورى دارينا دەميان ايتتى، دەپ حابارلايدى Kazinform.
Kazakh Tourism دەرەگىنشە، 2021 -جىلى قازاقستانعا 5 مىڭنان استام مەديتسينالىق تۋريست كەلگەن.
ال 2022 -جىلى شامامەن 7 مىڭ ادام كەلگەن.
«شەتەلدىك كەلۋشىلەردىڭ %90 رەسەي، قىرعىزستان جانە وزبەكستان ازاماتتارى، قالعان %10 قىتاي، يران، بەلارۋس ەلدەرىنەن كەلگەن. قازاقستاندىق مەديتسينا ۇيىمدارىنىڭ نەگىزگى ارتىقشىلىقتارى - زاماناۋي مەديتسينالىق تەحنولوگيالارعا جانە جاڭا تەحنولوگيالارعا قول جەتكىزۋ، ساپا ستاندارتتارى، مەديتسينالىق قىزمەتتەردىڭ قولايلى قۇنى، تمد ەلدەرىنىڭ ازاماتتارى ءۇشىن تىلدىك كەدەرگىنىڭ بولماۋى، دامىعان تۋريستىك ينفراقۇرىلىمنىڭ بولۋى»، - دەدى د. دەميان استانا قالاسىنىڭ كوممۋنيكاتسيالار قىزمەتىندە.
ونىڭ ايتۋىنشا، قازاقستاندىق مەديتسينا تۋرالى جەرگىلىكتى حالىق پەن شەتەلدىكتەر اراسىندا ءالى دە اقپارات از، بۇل پاتسيەنتتەر اعىنىن ارتتىرۋعا كەدەرگى بولىپ وتىر.
«باعا بويىنشا سالىستىرمالى تالداۋ جاساساق، جۇرەكتى شۋنتتاۋ حيرۋرگياسى ا ق ش- قا قاراعاندا 80 ەسە ارزان، سينگاپۋرعا قاراعاندا 11 ەسە ارزان. جامباس ۇرشىعىن اۋىستىرۋ – ا ق ش- قا قاراعاندا 19 ەسە ارزان، سينگاپۋر مەن تايلاندقا قاراعاندا بەس ەسە ارزان. ق ر د س م مالىمەتىنشە، ەلدە باعاسى ارزان بولعانى ءۇشىن 5 باعىت سۇرانىسقا يە: كاريوحيرۋرگيا، نەيروحيرۋرگيا، بۋىن پروتەزدەرى، ستوماتولوگيا جانە ەكستراكورپورالدى ۇرىقتاندىرۋ (ە ك و)»، - دەدى سپيكەر.
بۇگىنگى تاڭدا قازاقستاندا مەديتسينادا «التىن ستاندارت» سانالاتىن JCI حالىقارالىق اككرەديتاتسياسىن العان 9 كلينيكا بار، ونىڭ جەتەۋى استانادا ورنالاسقان.
بۇل كلينيكالاردا دياگنوستيكادان باستاپ، جوعارى تەحنولوگيالى مەديتسينالىق قىزمەتتەر مەن كۇردەلى وتالاردى جاساۋعا بولادى.
«ق ر ءتىس دارىگەرلەرى قاۋىمداستىعىنىڭ حابارلاۋىنشا، ءبىزدىڭ ەلگە ەم الۋعا ەۋروپالىق ەلدەردىڭ ازاماتتارى ءجيى كەلەدى. ويتكەنى ستوماتولوگيالىق قىزمەتتەر قۇنى ەۋروپامەن سالىستىرعاندا 10-15 ەسە ارزان جانە ساپاسى ەش كەم تۇسپەيدى. اسىرەسە شەتەلدىكتەر اراسىندا پلومبالاۋ، يمپلانتتاۋ، پروتەزدەۋ جانە بالالار ستوماتولوگياسى باعىتتارى ءجيى سۇرالادى»، - دەيدى دارينا دەميان.
تاعى ءبىر پەرسپەكتيۆالى باعىتتاردىڭ ءبىرى - ەكستراكورپورالدى ۇرىقتاندىرۋ.
«الەمدە ءدال وسى مەديتسينالىق قىزمەتكە سۇرانىس ارتىپ كەلەدى. 2022 -جىلى استانالىق ەمحانالارعا ەكو جاساتۋعا قىرعىزستاننان 900 ادام، وزبەكستاننان 254 ادام، رەسەيدەن 92 ادام كەلگەن. ويتكەنى ءبىزدىڭ ەلدە بۇل قىزمەت شامامەن 2-2,5 مىڭ اقش دوللارى بولسا، ەۋروپادا 15 مىڭ دوللار، ا ق ش- تا 19 مىڭ دوللار تۇرادى» ، - دەپ ءتۇسىندىردى «استانا دامۋ ورتالىعىنىڭ» وكىلى.
بۇعان دەيىن دارينا دەميان جىل سايىن 50 مىڭ قازاقستاندىق ەم الۋ ءۇشىن شەت مەملەكەتتەرگە باراتىنىن ايتقان ەدى.
سالدارىنان قازاقستاننىڭ مەديتسينالىق قىزمەتتەر نارىعى جىلىنا 200 ميلليون ا ق ش دوللارىنا دەيىن ەكونوميكالىق پايداسىن جوعالتىپ وتىر.
ايجان سەرىكجان قىزى
