جەر سىلكىنىسىنەن قاز ۇ ۋ جاتاقحانالارى قيراپ قالدى - جالعان
الماتى. KAZINFORM - الەۋمەتتىك جەلىلەردە ءال-فارابي اتىنداعى قازاق ۇلتتىق ۋنيۆەرسيتەتىنىڭ جاتاقحانالارى قيرادى دەگەن اقپارات شىقتى.
ۋنيۆەرسيتەتتىڭ باسپا ءسوز قىزمەتى جەلىدە تاراعان اقپاراتقا قاتىستى مالىمدەمە جاسادى.
«قاز ۇ ۋ-دىڭ جاتاقحانالارى، ونىڭ ىشىندە N6 ،8 جاتاقحانالاردىڭ قيراۋى مەن قازا تاپقاندار تۋرالى اقپارات شىندىققا جاناسپايدى. قازا تاپقاندار مەن جاتاقحانا قيراعان وقيعا بولعان جوق»، - دەلىنەدى قاز ۇ ۋ تاراتقان حابارلامادا.
الماتىداعى ستۋدەنتتىك جاتاقحانالاردا جاعداي تۇراقتى ەكەنىن مينيسترلىك تە حابارلادى.
«ۋنيۆەرسيتەت جاتاقحانالارىنىڭ ەشقايسىسى زارداپ شەككەن جوق. ستۋدەنتتەر دە ءدىن امان.
جالعان اقپاراتقا سەنبەۋدى جانە تاراتپاۋدى سۇرايمىز»، - دەلىنگەن عىلىم جانە جوعارى ءبىلىم مينيسترلىگى حابارلاماسىندا.
ەسكە سالايىق، قالانىڭ ءار ايماعىندا توتەنشە جاعداي كەزىندە حالىق جينالاتىن ورىنداردىڭ ءبارى جۇمىس ىستەپ تۇر. كوبىنەسە بۇل قۇرىلىس ستاندارتى مەن ەرەجەلەرگە سايكەس كەلەتىن ءبىلىم بەرۋ ۇيىمدارى: مەكتەپتەر، بالاباقشالار، كوللەدجدەر مەن ۋنيۆەرسيتەتتەر.
اۆتور
دۋمان ارعىنگەلدى
