جەر سىلكىنىسى: بوگەتتەر مەن وزەن ارنالارى تەكسەرىلدى
قونايەۆ. KAZONFORM - الماتى وبلىسىندا وزەن ارنالارى، كوشكىن جانە سەل قاۋىپتى ۋچاسكەلەر تەكسەرىلدى.
- «قازسەلدەنقورعاۋ» اتەتۋ ماماندارى وزەن ارنالارىن، گيدروتەحنيكالىق قۇرىلىستاردى، كوشكىن قاۋىپتى جانە سەل ءقاۋىپتى ۋچاسكەلەردى زەرتتەۋ بويىنشا مونيتورينگ جۇرگىزدى. سونداي- اق، تىرشىلىكتى قامتاماسىز ەتۋ نىساندارىن ارالاپ، تەكسەرۋ جۇمىستارىن جۇرگىزدى. تەكسەرۋ ناتيجەلەرى بويىنشا زاقىمدانۋ تابىلعان جوق، قازىرگى ۋاقىتتا اتالعان وبەكتىلەر شتاتتىق رەجيمدە جۇمىس ىستەپ تۇر، - دەلىنگەن ت ج م حابارلاماسىندا.
قيراۋلار مەن زارداپ شەككەندەر تۋرالى مالىمەت تۇسكەن جوق. جاعداي تۇراقتى.
وسىعان دەيىن، 25 -قاراشا كۇنى جەر سىلكىنىسى ءبىر ۋاقىتتا ەلىمىزدىڭ بىرنەشە قالاسىندا سەزىلگەنى تۋرالى جازعان ەدىك.
بۇعان دەيىن توتەنشە جاعدايلار دەپارتامەنتى الماتىدا كۇشتى جەر سىلكىنىسى بولعان جاعدايدا ساناۋلى ساعاتتا باس ساۋعالايتىن بازا قۇرىلاتىنى تۋرالى ايتقان بولاتىن.
سونداي- اق ۇلتتىق سەيسمولوگيالىق باقىلاۋلار جانە زەرتتەۋلەر عىلىمي ورتالىعى ديرەكتورىنىڭ عىلىم جونىندەگى ورىنباسارى ەليزاۆەتا ەسەنجىگىتوۆا الماتىلىقتار جەر سىلكىنىسىنە ءارقاشان دايىن بولۋ كەرەكتىگىن ەسكەرتكەن ەدى.
