جۇمىستا اتى بار، ءوزى جوق - ق ت ج فيليالىندا «ءولى جاندار» انىقتالدى
استانا. KAZINFORM - ق ت ج ريەۆيزورلىق كوميسسياسى ىشكى تەكسەرۋلەر بارىسىندا «ق ت ج» ۇ ك» ا ق - «اۆتوماتتاندىرۋ جانە سيفرلاندىرۋ ديرەكسياسى» فيليالىندا قىزمەتكەرلەردىڭ فورمالدى ەڭبەك قىزمەتى فاكتىلەرىن انىقتادى.
«ق ت ج» ۇ ك» ا ق باسپا ءسوز قىزمەتىنىڭ مالىمەتىنشە، تەكسەرۋ ماتەريالدارى قۇقىق قورعاۋ ورگاندارىنا بەرىلدى.
وسى فاكتىگە قاتىستى استانا قالاسى بويىنشا سىبايلاس جەمقورلىققا قارسى قىزمەت سوتقا دەيىنگى تەرگەۋ جۇرگىزدى. تەرگەۋ بارىسىندا 21 ميلليون تەڭگە شىعىن كەلگەنى دالەلدەندى.
فيليال باسشىسىنىڭ تاپسىرماسى بويىنشا فورمالدى جۇمىسپەن قامتىلعان ادامدار جەكە تۇرعىن ءۇي قۇرىلىسىنا قاتىسقانى انىقتالدى.
ق ت ج جابىرلەنۋشى تاراپ دەپ تانىلدى جانە تەرگەۋگە تولىق كومەك كورسەتەدى.
قازىرگى ۋاقىتتا ءىس ماتەريالدارى استانا قالاسىنىڭ قىلمىستىق ىستەر جونىندەگى اۋدانارالىق سوتىندا قارالۋدا.
اۆتور
ەربول جانات
