جۇمىسقا كىرگىزەمىن دەپ جۇرتتى الداعان الاياق دۋبايدان ەلگە جەتكىزىلدى
استانا. KAZINFORM — الاياقتىق جاساعانى ءۇشىن ىزدەۋدە جۇرگەن ەر ادام ب ا ءا- دەن قازاقستانعا جەتكىزىلدى. بۇل تۋرالى ءى ءى م باسپا ءسوز قىزمەتى حابارلادى.
20-جەلتوقساندا ءىرى كولەمدە الاياقتىق جاساعانى ءۇشىن قازاقستان ءى ءى م ينتەرپول ۇلتتىق ورتالىق بيۋروسىمەن حالىقارالىق ىزدەۋ جاريالانعان 37 جاستاعى ەر ادام بىرىككەن اراب امىرلىكتەرىنەن قازاقستانعا جەتكىزىلدى.
— 2020-2021-جىلدار ارالىعىندا ول مەملەكەتتىك ورگاندارعا جۇمىسقا كىرۋگە كومەكتەسۋ سىلتاۋىمەن ەل ازاماتتارىنىڭ قاراجاتىن يەمدەنگەن. اقشانى العاننان كەيىن كۇدىكتى رەسپۋبليكا اۋماعىنان كەتىپ قالعان. بيىلعى جىلدىڭ قاڭتار ايىندا ءى ءى م ينتەرپولىنىڭ سۇراۋىمەن كۇدىكتى دۋبايدا ۇستالدى. ب ا ءا- ءنىڭ قۇزىرەتتى ورگاندارى ونى ءبىزدىڭ ەلگە بەرۋ تۋرالى شەشىم قابىلدادى. ۇستالعان ادام قازىرگى ۋاقىتتا ءى ءى م ءا ت د قىزمەتكەرلەرىمەن قاماۋعا الىندى، — دەلىنگەن حابارلامادا.
ەسكە سالساق، كەشە اسا ىرى الاياقتىق جاسادى دەگەن كۇدىكتى رەسەيدەن ەكستراديتسيالانعانى مالىم بولدى.
