جۇمىسشى ماماندىقتار جىلى: استانادا كەزەكتى بوس جۇمىس ورىندارى جارمەڭكەسى وتەدى

28-اقپاندا استانادا جۇمىسشى ماماندىقتار جىلىنا ورايلاستىرىلعان بوس ورىندار جارمەڭكەسى ۇيىمداستىرىلادى. نۇرا اۋدانى اكىمدىگىنىڭ ۇيىمداستىرۋىمەن وتەتىن ءىس-شارادا 50 دەن استام جۇمىس بەرۋشى ءبىلىم بەرۋ مەن مەديتسينادان باستاپ بيزنەس پەن مەملەكەتتىك قىزمەتكە دەيىنگى ءتۇرلى سالادا 200 دەن استام بوس جۇمىس ورنىن ۇسىنادى.

جارمەڭكە «بارىس ارەنا» مۇز سارايىندا (تۇران داڭعىلى، 57) ساعات 13:00 دەن 20:00 گە دەيىن وتەدى. كىرۋ تەگىن. جارمەڭكەگە بارلىق جاستاعى تۇرعىندار قاتىسا الادى.

كەلۋشىلەر كومپانيا وكىلدەرىمەن تىكەلەي سويلەسىپ، ەڭبەك جاعدايلارى جانە جۇمىس كەستەلەرىمەن تانىسىپ، تۇيىندەمەلەرىن قالدىرۋى ءتيىس.

ەسكە سالا كەتەيىك، بۇعان دەيىن استانادا اۋىل شارۋاشىلىعى جارمەڭكەسى 22-23-اقپاندا وتەتىنىن حابارلاعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى