جەمقورلىققا قارسى ءىس-قيمىل اگەنتتىگى 60 ادامدى ىزدەستىرىپ جاتىر
استانا. KAZINFORM - ق ر سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى دارحان قۇراقبايەۆ 2022 -جىلدان بەرى ىزدەۋ جاريالانعان كۇدىكتىلەردى انىقتاۋ جۇمىستارىنا تۇسىنىك بەردى.
- 2022-جىلدان بەرى 129 ادام ىزدەستىرىلىپ، ونىڭ 70 ءى انىقتالدى. كەيبىرى بويىنشا ءىستى تەرگەۋ جالعاسىپ جاتىر، سونداي-اق كەيبىرەۋلەرىنە قاتىستى سوت ۇكىمى شىقتى. ەكستراديتسيالاۋ باعىتىندا 8 ادام ەكستراديتسيالاندى. 2022 -جىلدان باستاپ قازىرگى دەيىن بىزدە 60 ادام قالدى. ولاردى انىقتاۋ ءىس- شارالارىن جۇزەگە اسىرىپ جاتىرمىز، - دەدى د. قۇراقبايەۆ سەناتتا تىلشىلەر سۇراعىنا جاۋاپ بەرە وتىرىپ.
بۇعان دەيىن ق ر سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى دارحان قۇراقبايەۆ كۇدىككە ىلىنگەن ارعىن ءنىعماتۋليندى ىزدەۋ جۇمىستارىنا قاتىستى تۇسىنىك بەردى.
