جەمقورلىق جايىندا حابارلاعان ازاماتتار قورعالادى
استانا. قازاقپارات- سىبايلاس جەمقورلىققا قارسى قىزمەت جەمقورلىق فاكتىلەرى تۋرالى حابارلاعان ازاماتتاردى قورعايدى. سونىمەن قاتار اقپاراتتىڭ قۇپيالىلىعى جونىندە كەلىسىم جاسالادى.
بۇل - ەلىمىزدەگى سىبايلاس جەمقورلىققا قارسى زاڭناماداعى جاڭاشىلىقتىڭ ءبىرى. بيىل شىمكەنتتە وسىنداي 6 كەلىسىم جاسالعان. قۇقىقبۇزۋشىلىق تۋرالى حابارلاعان ازاماتتارعا قىسىم كورسەتۋ جاعدايلارىنىڭ الدىن الۋ دا قاراستىرىلىپ وتىر.
ماسەلەن، ەڭبەك داۋلارى كەلىسىم كوميسسياسىنىڭ قاتىسۋىمەن قارالادى. وتىرىسقا مىندەتتى تۇردە سىبايلاس جەمقورلىققا قارسى قىزمەتتىڭ وكىلى شاقىرىلادى. ەگەر قىزمەتكەردى قۋدالاۋ بەلگىلەرى بايقاسا، جەرگىلىكتى ورگان نەمەسە پروكۋراتۋراعا جۇمىسكەردىڭ قۇقىعى بۇزىلعاندىعى تۋرالى حابارلاما جىبەرىلەدى.
داۋرەن ەرعارين، ق ر سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باسشىسى:
- سىبايلاس جەمقورلىققا قارسى زاڭناماداعى جاڭاشىلىقتاردىڭ ءبىرى سىبايلاس جەمقورلىق فاكتىلەرى تۋرالى حابارلايتىن ادامداردى قورعاۋ شارالارىنىڭ جۇيەسىن جەتىلدىرۋ بولىپ تابىلادى. قابىلدانعان نورمالار، بىرىنشىدەن، ادامداردىڭ ەڭبەك مۇددەلەرىن قورعاۋعا باعىتتالعان. سىبايلاس جەمقورلىققا قارسى ءىس-قيمىلعا جاردەم كورسەتۋ تۋرالى اقپاراتتى جاريا ەتپەۋ تۋرالى كەلىسىم جاساۋ قاعيدالارى قابىلدانىپ، قازىرگى ۋاقىتتا نىساندارى بەكىتىلگەن بولاتىن.
www.24.kz
