جۇمباق ءولىم: گرۋزيا مەيرامحانالارىنىڭ بىرىندە 12 قىزمەتكەردىڭ ءمايىتى تابىلدى
استانا. KAZINFORM - گرۋزيا ىشكى ىستەر مينيسترلىگىنىڭ قىزمەتكەرلەرى گۋداۋري تاۋ شاڭعىسى كۋرورتىندا مەيرامحانانىڭ 12 قىزمەتكەرىنىڭ ءمايىتىن تاپتى. بۇل تۋرالى ۆەدومستۆونىڭ مالىمدەمەسىندە ايتىلعان، دەپ حابارلايدى ت ا س س اگەنتتىگى.
- گۋداۋريدەگى ءۇندى مەيرامحاناسىنىڭ ەكىنشى قاباتىنداعى جاتىن بولمەدەن مەكەمەدە جۇمىس ىستەگەن 12 ادامنىڭ ءمايىتى تابىلدى. مايىتتەردى الدىن الا قاراۋ كەزىندە زورلىق- زومبىلىق بەلگىلەرى انىقتالمادى. سونداي- اق، تەرگەۋدىڭ الدىن الا نۇسقاسى بويىنشا، كەشە ەلەكتر قۋاتى سونگەننەن كەيىن قوسىلعان گەنەراتور تابىلدى، دەلىنگەن حابارلامادا.
قايتىس بولعان 12 ادامنىڭ 11 ءى شەتەلدىك، بىرەۋى گرۋزيا ازاماتى. وقيعاعا بايلانىستى جەدەل- ىزدەستىرۋ شارالارى جۇرگىزىلۋدە، وقيعا ورنىندا سوت- مەديتسينالىق ساراپشىلار جۇمىس ىستەپ جاتىر.
ءتيىستى ساراپتامالار تاعايىندالدى. ءولىمنىڭ ناقتى سەبەبىن انىقتاۋ ءۇشىن سوت- مەديتسينالىق ساراپتاما تاعايىندالدى، دەپ قوستى ىشكى ىستەر مينيسترلىگى.
