جەلىدە ۇلكەن اۋىلىندا ا ە س قۇرىلىسى باستالعانى تۋرالى جالعان اقپارات تاراپ جاتىر
الماتى. KAZINFORM - ەلەۋمەتتىك جەلىلەر مەن مەسسەندجەرلەردە الماتى وبلىسى ۋلكەن اۋىلىندا اتوم ەلەكتر ستانتسياسىنىڭ (ا ە س) كۇرىلىسى باستالعانى تۋرالى جالعان اقپارات تاراپ جاتىر. بۇل تۋرالى وبلىستىق اكىمدىكتەن ءمالىم ەتتى.
بەينەروليكتە، بولجام بويىنشا، «Google Maps» ونلاين سەرۆيسى ارقىلى قۇرىلىس وبەكتىلەرى كورسەتىلەدى.
«ونىڭ اتوم ەلەكتر ستانساسى ەكەنى شىندىققا جاناسپايدى. بەينەجازبادا كورسەتىلگەن نىسان 2011 -جىلى بالقاش جىلۋ ەلەكتر ورتالىعى (ج ە س) قۇرىلىسى جوباسىن جۇزەگە اسىرۋ كەزىندە سالىنعان ينفراقۇرىلىم. جوبا كومىرمەن جۇمىس ىستەيتىن جىلۋ ەلەكتر ستانتسياسىنىڭ قۇرىلىسىن قامتىدى. جوبا اياسىندا ءتيىستى ينفراقۇرىلىمنىڭ، سونىڭ ىشىندە جۇمىسشىلارعا ارنالعان تۇرعىن كەنتتىڭ قۇرىلىسى باستالدى»، - دەپ حابارلادى اكىمدىكتەن.
2014 -جىلى «بالقاش جىلۋ ەلەكتر ورتالىعى» جوباسىن جۇزەگە اسىرۋ توقتاتىلدى.
«ونلاين-سەرۆيستىڭ كارتوگرافيالىق دەرەكتەرىنە تۇزەتۋلەر ەنگىزۋ جانە جالعان اقپاراتتىڭ ودان ءارى تارالۋىنا جول بەرمەۋ ءۇشىن قازاقستان رەسپۋبليكاسى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە (س د ي ا و م) ءوتىنىم جىبەرىلدى»، - دەپ اتاپ ءوتتى ۆەدومستۆودان.
ايتا كەتەيىك، ا ە س- تىڭ سالىنۋ نە سالىنباۋ تاعدىرى 6-قازاندا وتەتىن رەفەرەندۋمنان كەيىن انىق بولماق.
وسىعان دەيىن ۇلكەن اۋىلىنىڭ اكىمى جەرگىلىكتى تۇرعىندار ا ە س قۇرىلىسىن قولدايتىنى تۋرالى ايتقان بولاتىن.
