جەلىدە 20 مىڭ وقىرمانى بار جارناما جاساۋشىلاردىڭ كىرىسى باقىلاۋعا الىنادى
استانا. KAZINFORM - مەملەكەتتىك كىرىستەر كوميتەتى بلوگەرلەر مەن ينتەرنەتتە جارناما جاسايتىن جەلى قولدانۋشىلاردىڭ تابىسىن باقىلايدى.
- كامەرالدىق باقىلاۋعا تەك بلوگەرلەر عانا ەمەس، بارلىعى كىرەدى. ماقسات - سالىق مىندەتىنىڭ ورىندالۋىن انىقتاۋ، - دەلىنگەن كوميتەت تاراتقان قوسىمشا حابارلامادا.
اقپاراتتا ايتىلعانداي، كامەرالدىق باقىلاۋعا الەۋمەتتىك جەلىدە 20 مىڭنان استام وقىرمانى بار جارناما جاساپ تابىس تاۋىپ جۇرگەن ازاماتتار كىرەدى.
بۇعان دەيىن مەملەكەتتىك كىرىستەر كوميتەتى تابىسىن تومەن كورسەتكەن بلوگەرلەرگە حابارلاما جىبەرە باستاعانى تۋرالى حابارلاعان ەدىك.
كوميتەت 2022-2023 -جىلدارداعى سالىق دەكلاراتسياسى مالىمەتتەرىن سالىستىرا وتىرىپ 594 تۇلعانىڭ تابىسىنان 53,3 ميلليارد تەڭگەگە سايكەسسىزدىكتى انىقتادى. وسى ورايدا بلوگەرلەرگە سالىقتى تولەۋگە 30 كۇن ۋاقىت بەرىلدى.
سونداي-اق كىرىستەر كوميتەتى ەندى ينتەرنەت- رەسۋرستاردا ونلاين-جارنامالاردى جاريالاۋدان تۇسەتىن تابىس كوزدەرى باقىلاۋعا الىناتىنىن ەسكەرتتى. ونىڭ قاتارىندا ينتەرنەتتە كۋرس ساتۋ، ساۋدا جاساۋ، ۇتىس ويىندارىن وتكىزۋ تاعى سول سياقتى قىزمەتتەر بار.
