جەكە مەديتسينالىق كىتاپشالار قازىر ونلاين رەجيمىندە قولجەتىمدى

ازاماتتار ەندى egov mobile موبيلدىك قوسىمشاسىنداعى «e- Densaulyk» سەرۆيسى ارقىلى مەديتسينالىق تەكسەرۋ ناتيجەلەرى مەن وزدەرىنىڭ سانيتاريالىق كىتاپشاسى تۋرالى دەرەكتەردى الا الادى، بۇل مەديتسينالىق تەكسەرۋدەن ءوتۋ ۋاقىتىن ەداۋىر قىسقارتادى جانە تەراپيەۆتكە قايتا بارۋ قاجەتتىلىگىن بولدىرمايدى. سانيتاريالىق كىتاپشا دايىن بولعان كەزدە ازاماتتار 1414 نومىرىنەن س م س- حابارلاما الادى.

جۇمىس بەرۋشىلەر ءۇشىن ارتىقشىلىقتار

جۇمىس بەرۋشىلەر قىزمەتكەرلەردىڭ مەديتسينالىق كىتاپشالارىنىڭ وزەكتىلىگىن hr.enbek.kz تەگىن ەڭبەك رەسۋرستارى پورتالى ارقىلى تەكسەرە الادى، بۇل سانيتاريالىق نورمالاردىڭ ساقتالۋىن باقىلاۋدى جەڭىلدەتەدى جانە ىقتيمال قاتەلىكتەردىڭ الدىن الادى.

مەديتسينالىق كىتاپشانى كىم الۋعا مىندەتتى؟

ەلەكتروندىق جۇيە قوعامدىق تاماقتاندىرۋ، ءدارىحانالار، ساناتورييلەر قىزمەتكەرلەرىن، سونداي-اق قىزمەت كورسەتۋ قىزمەتكەرلەرى مەن مەديتسينا قىزمەتكەرلەرىن قوسا العاندا، قىزمەتكەرلەردىڭ 15 ساناتىن قامتيدى. بۇل ساناتتار ءۇشىن تۇراقتى مەديتسينالىق تەكسەرۋلەر جىلىنا ءبىر رەت نەمەسە التى ايدا ءبىر رەت وتكىزىلەدى.

جەكە مەديتسينالىق كىتاپشالاردى ەلەكتروندىق فورماتقا كوشىرۋ ارقىلى ولاردى تەكسەرۋ پروتسەسى ازاماتتار مەن جۇمىس بەرۋشىلەر ءۇشىن وڭايىراق جانە جىلدامىراق بولدى.

بۇرىن حابارلانعانداي، ازاماتتارعا ىڭعايلى بولۋ ءۇشىن مەديتسينالىق كىتاپشالار مەن اۋرۋحانا پاراقتارىن قوسا العاندا، مەديتسينالىق انىقتامالاردىڭ 8 ءتۇرى قاعاز تاسىعىشتان ەلەكتروندىق فورماتقا اۋىستىرىلادى.

بۇعان دەيىن مەديتسينالىق ساقتاندىرۋ تۋرالى جاڭا زاڭدا قانداي وزگەرىستەر بولاتىنىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى