جۇك كولىگىمەن ينسپەكتوردىڭ اياعىن باسىپ كەتكەن - اتىراۋدا پوليتسيادان قاشقان جۇرگىزۋشى وق اتىپ توقتاتىلدى

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، وقيعا كەشە، 17-قاراشادا بولعان.

«پوليتسيا قىزمەتكەرلەرى جەرگىلىكتى ۋاقىتپەن ساعات 11:45 شاماسىندا اتىراۋ- ورال تاسجولىنىڭ 183-شاقىرىمى تۇسىندا DALMLERCHR SLER اۆتوكولىگىنىڭ جىلدامدىق اسىرعانىن انىقتادى. الايدا، كولىك جۇرگىزۋشىسى پاترۋلدىك پوليتسيا ينسپەكتورلارىنىڭ زاڭدى تالابىنا باعىنبادى. سول سەبەپتەن، يندەربور كەنتىندە قىزمەتتىك كولىكتەرمەن الدىن بوگەپ، توقتاتىلدى. كولىك توقتاتىلعانىمەن، جۇرگىزۋشى كابينادان تۇسپەستەن قاشىپ قۇتىلۋعا تىرىستى. سول كەزدە پاترۋلدىك پوليتسيا ينسپەكتورىنىڭ وڭ اياعىن باسىپ كەتىپ، جول بويىنداعى بىرنەشە اۆتوكولىككە اۆاريالىق جاعداي تۋدىردى. زاڭدى تالاپقا باعىنباعان جۇرگىزۋشى كولىگىنىڭ دوڭگەلەگىنە ەكى مارتە جانە ەكى ينسپەكتور ەسكەرتۋ ماقساتىندا اسپانعا ەكى رەتتەن وق اتتى»، - دەپ حابارلادى دەپارتامەنتتىڭ باسپا ءسوز قىزمەتى.

كولىك تاس جول بويىندا توقتاتىلىپ، جۇرگىزۋشى ۇستالدى. رۋلدە بولعان 1989 -جىلعى جۇرگىزۋشى مەديتسينالىق ساراپتامادان وتكىزىلدى. جۇرگىزۋشىنىڭ ماس كۇيدە بولماعانى انىقتالدى. ول كولىكتىڭ وزىنىكى ەمەس ەكەنىن ايتىپ، اقتالۋعا تىرىسقان.

قازىر ۇستالعان جۇرگىزۋشىگە قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 592-بابى 2-بولىگىمەن، 601-بابى 1-بولىگىمەن، 606-بابى 1-بولىگىمەن، 613-بابى 1-بولىگىمەن حاتتاما تولتىرىلدى. سونداي-اق، ق ر قىلمىستىق كودەكسىنىڭ 380-بابىنىڭ 3-بولىگىمەن، (بيلىك وكىلىنە قاتىستى قورقىتۋ نەمەسە كۇش كورسەتۋ ارەكەتتەرى) قىلمىستىق ءىس تىركەلدى. جۇرگىزۋشى قاماۋعا الىندى.

ەسكە سالا كەتەلىك، بۇعان دەيىن اتىراۋ وقۋشىلارى كولىك جۇرگىزۋشىلەرىنە جول ەرەجەسىن ساقتاۋ تۋرالى حات جولداعانىن جازعان ەدىك.

اۆتور

جولداسبەك شوپەعۇل

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى