جەكە كولىگى بار قازاقستاندىقتاردىڭ سانى 18,6 پايىزعا ءوستى
2023-جىلعى قىركۇيەكتە 169,4 مىڭ اۆتوكولىك ەسەپكە قويىلدى، دەپ حابارلايدى Kazinform ۇلتتىق ستاتبيۋروعا سىلتەمە جاساپ.
بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 1,7 ەسە كوپ.
ونىڭ ىشىندە اۆتوبۋستار - 1,8 ەسە، جۇك اۆتوموبيلدەرى - 1,8 ەسە جانە جەڭىل اۆتوموبيلدەر سانى - 1,6 ەسە ءوستى.
وسىلايشا 1- قازانداعى جاعداي بويىنشا قازاقستاندا تىركەلگەن اۆتوكولىك سانى - 5161,8 مىڭدى قۇرادى.
ونىڭ ىشىندە:
88 پايىز - جەڭىل اۆتوموبيلدەر
9,9 پايىز - جۇك كولىكتەرى
2,1 پايىز - اۆتوبۋستار.
سونداي-اق، 2023-جىلعى 1- قازانداعى جاعداي بويىنشا رەسپۋبليكادا جەكە مەنشىكتە 4542,7 مىڭ جەڭىل اۆتوكولىك بولعان.
2022-جىلدىڭ ءتيىستى كەزەڭىمەن سالىستىرعاندا جەكە مەنشىكتەگى جەڭىل اۆتوموبيلدەر سانى 18,6 پايىزعا ارتتى.
