Jibek Joly تۋريستىك پويىزىنا قىتاي مەن رەسەي ساياحاتشىلارى قىزىعۋشىلىق تانىتقان
الماتى. KAZINFORM - بيىل ناۋرىز مەرەكەسى قارساڭىندا الماتىدان Jibek Joly تۋريستىك پويىزى ءۇشىنشى رەت جولعا شىعادى.
الماتىنىڭ وڭىرلىك كوممۋنيكاتسيالار قىزمەتىندە «Kazakh Tourism» ۇ ك» ا ق باسقارما ءتوراعاسىنىڭ ورىنباسارى دانيەل سەرجان ۇلى قازاقستان مەن وزبەكستان اراسىنداعى «Jibek Joly» ترانسشەكارالىق تەمىرجول تۋرىنىڭ جوسپارلارىمەن ءبولىستى.
- ءبىرىنشى تۋريستىك پويىز وتكەن جىلدىڭ سوڭىندا، ەكىنشى وسى جىلدىڭ باسىندا جول ءجۇردى. ءۇشىنشى ءاز-ناۋرىز مەرەكەسىنە تۋرا كەلىپ وتىر. جالپى بۇگىنگە دەيىن 500 گە جۋىق ساياحاتشى تۋر بيلەتتەرىن ساتىپ الدى. وندا تەك جەرگىلىكتى تۋريستەر ەمەس، شەتەلدىكتەر دە بار. تۇركيا، قىرعىزستان، ۋكراينا جانە رەسەي تۇرعىندارى تۋريستىك پويىزبەن ساياحاتتادى، - دەدى ول.
سونىمەن قاتار سپيكەر تۋريستىك پويىزعا قىتاي ازاماتتارى تاراپىنان قىزىعۋشىلىق بار ەكەنىن اتاپ ءوتتى. دانيەل سەرجان ۇلىنىڭ ايتۋىنشا، بۇل جولى باعدارعا ورتالىق ازياداعى كونە قالالاردىڭ ءبىرى - تاراز قوسىلدى. ناۋرىز ايىندا «الماتى - تۇركىستان - تاشكەنت - سامارقاند - تاراز - الماتى» باعدارى بويىنشا ساياحاتقا 300 تۋريست اتتانادى. حالىقارالىق تۋردىڭ ۇزاقتىعى بەس كۇن.
ەسكە سالايىق، بۇعان دەيىن Jibek joly تۋريستىك پويىزى العاش رەت سامارقاندقا بارعانىن جازعانبىز.
