جازعى دوڭگەلەكپەن جۇرگەن جۇرگىزۋشىلەرگە قانشا ايىپپۇل سالىنادى
كولىك جۇرگىزۋشىلەرى 1-جەلتوقسان مەن 1-ناۋرىز ارالىعىندا قىسقى دوڭگەلەكپەن جۇرۋگە مىندەتتى.
تەحنيكالىق رەگلامەنت تالابى وسىنداي. بۇل تۋرالى و ك ق بريفينگىندە سالتانات ازىربەك ايتتى، دەپ حابارلايدى Kazinform.
سپيكەردىڭ سوزىنشە، ءتارتىپ ساقشىلارى ق ر اكىمشىلىك كودەكسىنىڭ 590-بابىنىڭ 5-بولىگى بويىنشا قىسقى ۋاقىتتا جازعى دوڭگەلەكپەن جۇرگەن جۇرگىزۋشىگە ايىپپۇل سالۋعا قۇقىلى.
بۇل ايىپپۇلدىڭ ەڭ تومەنگى مولشەرى — 5 ا ە ك، ەگەر ءبىر جىل ىشىندە جۇرگىزۋشى وسىنداي زاڭبۇزۋشىلىقتى قايتا جاساسا، وندا ايىپپۇل 10 ا ە ك- كە دەيىن ارتادى.
«قىس تاياپ قالدى، سوندىقتان 1-جەلتوقساننان 1-ناۋرىزعا دەيىن ءبىزدىڭ بارلىق كولىكتەرىمىز قىسقى رەزەڭكەگە اۋىسۋى كەرەك. بۇل - قاۋىپسىزدىك تالاپتارى، ويتكەنى ءىرى مەگاپوليستە العاشقى جاۋىن- شاشىننان كەيىن الاساپىران باستالادى. ونىڭ سەبەبى - جۇرگىزۋشىلەر قىس مەزگىلىنە دايىن ەمەس»، — دەيدى سالتانات ازىربەك.
ول جۇرگىزۋشىلەردى الدىن الا قامدانىپ، كولىكتى قىس كەزىنە ەرتەرەك دايىنداۋعا شاقىردى.
پوليتسەيلەر 1-قاراشادا وسى باعىتتاعى پروفيلاكتيكالىق جۇمىستى باستادى.
