جازعى ازيا ويىندارى سالتاناتتى تۇردە اشىلدى

ءدۇبىرلى دوداعا ازيا وليمپيادا كەڭەسى (ا و ك) قۇرامىنداعى 45 ەلدەن 12500 دەن استام سپورتشى كەلەدى دەپ كۇتىلىپ وتىر. بۇل - رەكوردتىق كورسەتكىش.

2018 -جىلى يندونەزيادا وتكەن ازيادادا 11300 ادام تىركەلىپ، جاڭا رەكوردتىق كورسەتكىش ورناعان ەدى.

سالتاناتتى شارانىڭ اشىلۋىندا ەلىمىزدىڭ اتىنان بوكستان ۇلتتىق قۇراما كاپيتانى اسلانبەك شىمبەرگەنوۆ پەن بيىكتىككە سەكىرۋدەن كوشباسشىمىز نادەجدا دۋبوۆيتسكايا تۋ ۇستاپ شىقتى.

بيىل ەلىمىزدىڭ اتىنان حاڭجوۋ قالاسىندا 30 سپورت تۇرىنەن 524 قازاقستاندىق (262 ەر، 262 ايەل) ساڭلاق باق سىنايدى.

جازعى ازيا ويىندارىندا 8 سپورت تۇرىنەن پاريج وليمپياداسىنا جولداما بەرىلەدى. باسەكەدە 40 سپورت تۇرىنەن جۇلدەلەر ساراپقا سالىنادى.

سايىستار 51 جارىس الاڭىندا وتكىزىلەدى. بۇل ماقساتتا 14 جاڭا كەشەن سالىندى. كوپتەگەن سپورت تۇرىنەن جارىستى حاڭجوۋ قابىلدايدى.

ال كەيبىر جارىستار دەچين، جينحۋا، نينبو، شاوسين مەن ۆەنجوۋ سىندى شاعىن قالالاردا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى