جايىق وزەنىنىڭ دەڭگەيى ورال قالاسى تۇسىندا 685 سانتيمەترگە جەتتى
ورال. KAZINFORM - جايىق وزەنىنىڭ دەڭگەيى ورال قالاسى تۇسىندا 685 سانتيمەترگە (قاۋىپتى شەگى - 850 س م) جەتتى.
«قازگيدرومەت» ر م ك ب ق و فيليالىنىڭ ديرەكتورى تىلەگەن شاپانوۆتىڭ ءمالىم ەتكەنىندەي، 6-ءساۋىر كۇنگى تاڭعى ساعات 08.00-دەگى مالىمەت بويىنشا وزەن سۋى ءبىر تاۋلىكتە 24 سانتيمەترگە كوتەرىلدى.
سونداي-اق جايىق بايتەرەك اۋدانى يانۆارتسيەۆ اۋىلى تۇسىندا 739 (ءوسىم - 41، قاۋىپتى شەگى - 1250 س م)، كوشىم گيدروبەكەتىندە 608 (55+، 850 س م) سانتيمەتردى كورسەتتى.
«وعان قوسا شاعان وزەنى چۋۆاشين بەكەتىندە 1322 سانتيمەترگە (12+، 1300) جوعارىلادى. وبلىستا باسقا وزەندەردە سۋ دەڭگەيىنىڭ ءتۇسۋى بايقالادى»، - دەدى ت. شاپانوۆ.
ب ق و ت ج دەپارتامەنتى باستىعىنىڭ ورىنباسارى قانات قارابالايەۆتىڭ ايتۋىنشا، اسان اۋىلى اۋدانىنداعى تۇرمىستىق قاتتى قالدىقتار پوليگونىندا 12 مىڭ قاپ تولتىرىلدى. وعان ق ر ت ج مينيسترلىگى، جەرگىلىكتى اتقارۋشى ورگاندار، ۇلتتىق ۇلان جانە «ورال «زەنيت» زاۋىتى» ا ق-دان 132 ادام (6 تەحنيكا) جۇمىلدىرىلدى.
«جايىق وزەنى جايىلمالارىندا ورنالاسقان 1، 2، 3-ساياجاي قوعامداستىقتارى جانە «نۇرلى جول» باۋ-باقشا سەرىكتەستىگىندە تۇرعىندارعا قاۋىپسىز جەرلەرگە الدىن الا كوشۋ قاجەتتىگى ءتۇسىندىرىلدى. شاعان، دەركول جانە جايىق وزەنىنىڭ دەڭگەيىنە 12 جەردە مونيتورينگ جۇرگىزىلۋدە. «لەسوۆود-1» باۋ-باقشا سەرىكتەستىگىنەن 3 ادام ەۆاكۋاتسيالاندى. سونىمەن قاتار بايتەرەك اۋدانى يانۆارتسيەۆ، داريان، رۋبەجكا جانە وزەرنىي اۋىلدارىندا بوگەتتەر نىعايتىلدى. ميچۋرين مەن اسان اۋىلى تۇسىندا جاعالاۋدى بەكىتۋ جۇمىستارى اتقارىلدى. قاۋىپتى ۋچاسكەلەردى ارالاۋ كەزىندە جالىن ەلدى مەكەنىنەن 1 شاقىرىم جەردە «ارتۋر» شارۋا قوجالىعىندا 4 ادامنىڭ قالعانى انىقتالدى. ولار ەۆاكۋاتسيالاۋدان باس تارتتى. وڭىردە سۋ تاسقىنىنا قارسى كۇرەس جالعاسىپ جاتىر»، - دەدى ق. قارابالايەۆ.
ەسكە سالا كەتەيىك، بۇدان بۇرىن باتىس قازاقستان وبلىسىندا سۋعا كەتكەن 552 ءۇيدىڭ 292 سى جارامسىز ەكەندىگىن جازعان بولاتىنبىز.
اۆتور
عايساعالي سەيتاق
