«جايلى مەكتەپتەرگە» تەك وتاندىق جيھاز ساتىپ الىنادى
«Samruk-Kazyna Construction» ا ق باسقارما ءتوراعاسىنىڭ ءبىرىنشى ورىنباسارى عابيت مالعازداروۆ «جايلى مەكتەپ» جوباسى اياسىندا سالىناتىن ءبىلىم وشاقتارىنا تەك وتاندىق جيھاز ساتىپ الىنتىندىعىن ايتتى، دەپ حابارلايدى Kazinform.
«بۇگىندە قىزۋ تالقىعا ءتۇسىپ تۇرعان نەگىزگى ماسەلەگە توقتالا كەتەيىن. ول - جوباعا وتاندىق تاۋار وندىرۋشىلەردىڭ قاتىسۋى. الەۋمەتتىك جەلىدە ءبىزدى «وتاندىق تاۋار وندىرۋشىلەردىڭ قاتىسۋىنا كەدەرگى كەلتىرىپ وتىر» دەگەن اقپارات تاراۋدا. بارلىق جاۋاپكەرشىلىكپەن مۇنىڭ ءبارى وسەك- اياڭ ەكەندىگىن، شىندىققا ساي كەلمەيتىندىگىن مالىمدەيمىن. «Samruk-Kazyna Construction» وتاندىق تاۋار وندىرۋشىلەردى قولداۋعا مىندەتتەمە الادى»، - دەدى ول «سامۇرىق- قازىنا» قورىنىڭ باسپا ءسوز قىزمەتى الاڭىندا وتكەن باسپا ءسوز ءماسليحاتىندا.
وسى ورايدا ول «جايلى مەكتەپ» ۇلتتىق جوباسى رەسپۋبيلكالىق بيۋدجەتتەن جانە ۇلتتىق قور قاراجاتى ەسەبىنەن قارجىلاندىرىلاتىندىعىنا نازار اۋدارتتى.
«سول سەبەپتى بۇل قاراجات ەلىمىزدىڭ ەكونوميكاسىنا جۇمىس ىستەۋى ءتيىس. ءبىز مۇنى تولعىمەن قولدايمىز. بىزدەن «قانداي كەپىل بار؟» دەپ سۇرايدى. ەڭ الىدمەن ۇكىمەتتىڭ قاۋلىسىندا «Samruk-Kazyna Construction» مىندەتى «Samruk-Kazyna»، «اتامەكەن» ۇ ك پ تىزىلىمىنە ەنگەن جانە س ت- KZ سەرتيفيكاتى بار وتاندىق تاۋار وندىرۋشىلەردەن عانا جيھاز ونىمدەرىن ساتىپ الۋى كەرەكتىگى ناقتى بەلگىلەنگەن»، - دەدى عابيت مالعازداروۆ.
