جاپونيادا ەڭ تانىمال ءيت حاتيكونىڭ 100 جىلدىعى تويلاندى
قاراشا ايىندا جاپونيادا 100 جاسقا تولعان حاتيكو ءيتىنىڭ قۇرمەتىنە ارنالعان شارالار ءوتتى، دەپ حابارلايدى Kazinform اگەنتتىگى NHK World-Japan ارناسىنا سىلتەمە جاساپ.
2023 -جىلدىڭ قاراشا ايىندا ايگىلى حاتيكو ءيتىنىڭ تۋعانىنا 100 جىل تولدى.
وسىعان وراي اكيتا پرەفەكتۋراسىنداعى وداتە قالاسىندا تۇرعىندار ءيتتىڭ قۇرمەتىنە شارالار وتكىزدى.
حاتيكو 1923 -جىلى دۇنيەگە كەلگەن. ءيت قوجايىنىن العاش كەزدەستىرگەن كەزدە تۋعانىنا بىرنەشە اپتا عانا بولعان.
قوجايىنى - توكيو ۋنيۆەرسيتەتىنىڭ پروفەسسورى ونى سيبۋيا ستانسياسىندا جۇمىسىنا بارا جاتقان كەزدە تاۋىپ العان.
كۇن سايىن ءيت يەسىن جۇمىسقا شىعارىپ سالىپ، كۇتىپ الۋدى ادەتكە اينالدىرعان.
الايدا پروفەسسور ۋنيۆەرسيتەت كامپۋسىندا كۇتپەگەن جەردەن قايتىس بولادى.
ال ءيت 10 جىل بويى ستانسادان يەسىنىڭ ورالۋىن كۇتەدى.
ءبىر باسىلىم ءيت تۋرالى جازعان كەزدە ونىڭ وقيعاسى بۇكىل توكيو جۇرتشىلىعىنا قاتتى اسەر ەتتى.
1948 -جىلى توكيوداعى سيبۋيا ستانساسىندا حاتيكوعا ەسكەرتكىش ورناتىلعان، وندا يەسىنە ادال ءيتتىڭ مارقۇم قوجايىنىن كۇتىپ تۇرعانى بەينەلەنگەن.
بۇل ەسكەرتكىشكە شەتەلدىك تۋريستەردىڭ قىزىعۋشىلىعى جوعارى. كوپ ادامدار ەسكەرتكىشتىڭ جانىندا سۋرەتكە تۇسەدى.
اۆتور
ەركەجان سماعۇلوۆا
