جاپونيادا قوعامنان وقشاۋلانىپ، ۇيىندە كوز جۇمعان جالعىزباستى تۇرعىندار سانى كوبەيدى

Lianhe Zaobao باسىلىمىنىڭ حابارلاۋىنشا، حالىقتىڭ جىلدام قارتايۋىنا بايلانىستى جاپونيا ۇكىمەتى وتكەن جىلدىڭ ساۋىرىندە «جالعىزدىق پەن الەۋمەتتىك وقشاۋلانۋعا قارسى كۇرەس تۋرالى» ارنايى زاڭ قابىلداعان. اتالعان ستاتيستيكا، وسى زاڭنىڭ اياسىندا ەلدەگى جالعىزباستى ازاماتتاردىڭ ءوز ۇيىندە وڭاشا جاعدايدا كوز جۇمۋ فاكتىلەرىنە ارنالعان العاشقى جىلدىق ەسەپ بولىپ وتىر.

رەسمي انىقتاما بويىنشا، ومىردەن وتكەن ساتىندە مارقۇمنىڭ قاسىندا جان بالاسى بولماي، ءمايىتى سەگىز كۇن نەمەسە ودان دا كوپ ۋاقىتتان كەيىن تابىلسا، كۋدوكۋسي دەپ ەسەپتەلەدى. بۇل جاعداي كوبىنە مارقۇمنىڭ كوزى تىرىسىندە الەۋمەتتىك وقشاۋلانۋدا بولعانىن بىلدىرەدى.

ستاتيستيكاعا سايكەس، وقشاۋ جاعدايدا ومىردەن وزعان 6945 ادامنىڭ ءمايىتى ءبىر ايدان كەيىن عانا بايقالعان. ال 253 ادامنىڭ جان تاپسىرعانى ءبىر جىلدان كەيىن انىقتالعان. بۇل دەرەكتەر كەي ازاماتتاردىڭ قوعامنان مۇلدەم قول ءۇزىپ قالعانىن كورسەتەدى.

جاپونيا مينيسترلەر كابينەتىنىڭ ساراپتاماسى بويىنشا، ەلدە جالعىزباستى تۇرعىنداردىڭ سانى ءوسىپ كەلەدى. سوعان وراي، جالعىزدىق پەن الەۋمەتتىك وقشاۋلانۋ قاۋپىنە تاپ بولاتىن ازاماتتاردىڭ قاتارى كوبەيە بەرمەك.

بۇعان دەيىن تۇركيادا جاسى 50 دەن اسقان ازاماتتار اراسىندا اجىراسۋ جاعدايلارىنىڭ كوبەيگەنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى