جاپونيا ا ق ش- تان بولات پەن اليۋميني تاريفتەرىنەن بوساتۋدى سۇرادى

مينيسترلەر كابينەتىنىڭ باس حاتشىسى ەسيماسا حاياسيدىڭ مالىمدەۋىنشە، ۇكىمەت بۇل ءوتىنىمدى جاپونيانىڭ ا ق ش- تاعى ەلشىلىگى ارقىلى رەسمي تۇردە جىبەردى.

اق ءۇيدىڭ حابارلاۋىنشا، جاڭا تاريفتەر 12-ناۋرىزدا كۇشىنە ەنۋى ءتيىس، دەپ جازدى اگەنتتىك.

2018 -جىلى، ءوزىنىڭ ءبىرىنشى مەرزىمى كەزىندە ترامپ بولاتقا 25 پايىزدىق جانە اليۋمينيگە 10 پايىزدىق باج سالىعىن ەنگىزگەن ەدى. الايدا بايدەن اكىمشىلىگى كەزىندە ا ق ش- تىڭ بىرنەشە ساۋدا سەرىكتەسى، سونىڭ ىشىندە جاپونيا، باجسىز كىرگىزۋگە كۆوتالار الدى. جاپونيا ءۇشىن ول 2022 -جىلدىڭ ساۋىرىنەن باستاپ جىلىنا 1,25 ميلليون توننا بولىپ بەلگىلەندى. وسى كولەمنەن اساتىن بارلىق جەتكىزىلىمدەرگە باج سالىعى سالىندى.

قارجى مينيسترلىگىنىڭ مالىمەتىنشە، 2024 -جىلى ا ق ش- قا جاپون بولات ەكسپورتى 302,6 ميلليارد يەنا (2 ميلليارد دوللار) بولدى، بۇل ا ق ش- قا ەكسپورتتىڭ جالپى كولەمىنىڭ 1,4 پايىزىنا تەڭ. اليۋميني جانە باسقا دا ىلەسپە ونىمدەر ەكسپورتى 26,4 ميلليارد يەنا بولدى.

بۇعان دەيىن  ترامپ اليۋميني مەن بولات يمپورتىنا %25 باج سالىعىن ەنگىزدى.

ءوز كەزەگىندە، ەۋروكوميسسيا پرەزيدەنتى ا ق ش تاريفتەرىنە قارسى شارالار تۋرالى ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى