جاپوندىق جۇك تاسىمالداۋ كومپانيالارى قىزىل تەڭىز ارقىلى تاسىمالدى توقتاتتى

ءتيىستى شەشىمدى NYK Line ،Mitsui OSK Lines جانە Kawasaki Kisen Kaisha قابىلدادى. ولار وسى ۋاقىتقا دەيىن تەك يزرايلمەن بايلانىستى كەمەلەر تاسىمالىمەن شەكتەلسە، ەندى بارلىق باسقا كەمەلەر دە تاسىمالدى توقتاتادى.

بالامالى باعىت افريكانىڭ وڭتۇستىگىندەگى قايىرلى ءۇمىت ءمۇيىسى ارقىلى وتەدى، بۇل جەتكىزۋ مەرزىمدەرىنىڭ ۇزارۋىنا جانە تاسىمالداۋ قۇنىنىڭ جوعارىلاۋىنا اكەلەدى.

بۇعان دەيىن جاپوندىق Suzuki كومپانياسى قىزىل تەڭىزدەگى جاعدايعا بايلانىستى جاپونيادان قۇرامداس بولىكتەر، سونىڭ ىشىندە قوزعالتقىشتاردى جەتكىزۋدەگى ءۇزىلىس سالدارىنان ۆەنگرياداعى قۇراستىرۋ زاۋىتىنىڭ جۇمىسىن ءبىر اپتاعا توقتاتاتىنىن حابارلاعان بولاتىن.

ەسكە سالا كەتسەك، جۇماعا قاراعان ءتۇنى ا ق ش پەن ۇلى بريتانيانىڭ ۇشاقتارى مەن اسكەري كەمەلەرى كەيىنگى كەزدە يراننىڭ قولداۋىمەن قىزىل تەڭىزدەگى ساۋدا كەمەلەرىنە شابۋىل جاساي باستاعان يەمەندەگى كوتەرىلىسشى حۋسيتتەر توبىنا سوققى بەردى.

حۋسيتتەردىڭ كىم ەكەنى جانە ولار يزرايلگە بەت العان كەمەلەرگە نەلىكتەن شابۋىل جاسايتىنى تۋرالى بۇعان دەيىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى