جاپون ديەتاسى ۇزاق ءومىر سۇرۋگە سەپ بولادى

 مىسالى، ءبىر توستاعان جارما جەڭىل بولعانىمەن، قۇرامىندا قانتى كوپ. بۇل ۇيقىسىزدىققا اكەلەدى. ىرىمشىك تە سەندۆيچ ازىرلەپ جەۋ ءۇشىن جاقسى قوسپا. ءبىراق ول اعزادا باسقا ونىمگە قاراعاندا ۇزاق قورىتىلادى. بۇل دا دۇرىس ۇيىقتاۋعا كەدەرگى كەلتىرەدى. قارا شوكولادتىڭ قۇرامىندا كوفەين مەن تەوبرومين بار. ول ۇيقىنى شايداي اشادى. جاتار الدىندا ەتتى تاعامنان دا اۋلاق بولعان ءجون. قۇرامى جوعارى اقۋىزعا باي بولعان سوڭ، اس قورىتۋدى قيىنداتىپ، ۇيقىنى بۇزادى. تاعى ءبىر ەسكەرەتىن ءجايت، تۇندە گازدالعان سۋسىن ىشپەگەن ابزال. بۇل ءىشتى كەپتىرىپ، ۇيقىنى ءجايسىز ەتەدى.

 جاپون ديەتاسى ۇزاق جاساۋعا سەپ الەمدەگى ەڭ ۇزاق جاساۋشى حالىق جاپوندار. مۇنىڭ سىرى - دۇرىس تاماقتانىپ، سالاۋاتتى ءومىر سالتىن ۇستانۋىندا. دەنساۋلىقتى نىعايتىپ، جۇرەك-قان تامىرلارى اۋرۋلارىنىڭ الدىن الۋ ءۇشىن شەتەل ديەتولوگتارى 4 ءتۇرلى ديەتانى ۇسىنادى. سونىڭ بىرەۋى - ءداستۇرلى جاپون ديەتاسى. سوعان سايكەس، ەت، ءسۇت ونىمدەرى مەن قانتتى مۇلدەم تىيىپ تاستاعان. ەسەسىنە ولاردىڭ راتسيونىنان كۇندەلىكتى بالىق پەن وسىمدىك، تەڭىز ونىمدەرى ۇزىلمەيدى. ەش قوسپاسىز تەك كوك شاي ىشەدى. ال جەمىس- جيدەك پەن كارتوپتى ازداپ جەيدى. تاۋلىگىنە ءار جاپون ازاماتى تۇتىناتىن تۇز مولشەرى - 9,5 گ ر عانا. سونىڭ ارقاسىندا كۇنشىعىس ەلىندە سەمىزدىك دەرتى اتىمەن جوق. جۇرەك اۋرۋلارى مەن وبىر دەرتىنەن ءولىم- ءجىتىم كورسەتكىشى دە تىم تومەن.

جەرگىلىكتى عالىمدار 15 جىل بويى وسى جاپون ديەتاسىن ۇستاعان ادامدارعا زەرتتەۋ جۇرگىزگەن. ناتيجەگە سايكەس، باتىستىڭ ديەتاسىن ۇستاعاندارعا قاراعاندا جاپون تاعامدارىن تۇتىنعانداردا مەزگىلسىز ءولىم قاۋپى %15 تومەن ەكەندىگىن انىقتاعان.

كورەيلەر اۋىرماۋ ءۇشىن دۇرىس تاماقتانادى

كورەيلەر دە دۇرىس تاماقتانۋدى باستى ورىنعا قويادى. ولار ساپالى تاعام تۇتىنۋ ەمدەۋدىڭ قاينار كوزى دەپ قارايدى. سوندىقتان بولار، كورەيلەر دە جاپونداردان كەيىن ۇزاق جاسايتىن ەلدەردىڭ كوشىن باستاپ تۇر. ولاردىڭ راتسيونى كۇرىش، سورپا نەمەسە بۇقتىرىلعان تاعام، اشىتىلعان كوكونىس جانە تەڭىز ونىمدەرىمەن بايىتىلعان. كۇرىشتى اشىتىلعان سوۋس، سويا، اشى بۇرىش پاستاسى سياقتى دامدەۋىشتەرمەن قوسىپ جەيدى. كورەي اسحاناسىنان تۇزدالعان تەڭىز ونىمدەرى مەن قىرىققاباتتى كەزىكتىرمەۋ مۇمكىن ەمەس. ياعني، تاعامدى ءپىسىرىپ، قۋىرىپ جەۋدەن گورى قايناتىپ، مارينادتاپ، اشىتىپ جەگەندى جاقسى كورەدى. سوندا ءار ءونىم قۇرامىنداعى دارۋمەنىن جوعالتپايدى. كورەي اسحاناسى سالماق تاستاعىسى كەلەتىندەر ءۇشىن ءتيىمدى ديەتا. 

امەريكاندىقتار قولدىڭ جۇمىرتقاسىن تۇتىنا باستادى

 سەمىزدىك بويىنشا كوش باستاپ تۇرعان امەريكالىقتار ەندى قولدىڭ جۇمىرتقاسىن تۇتىنا باستادى. اسقازان- ىشەك بۇزىلىستارى بايقالعان ادامدارعا مانحەتتەندەگى جەرگىلىكتى فيزيوتەراپيەۆت جۇمىرتقا جەۋگە كەڭەس بەرىپ ءجۇر. بۇل اسىرەسە ءسۇت ونىمدەرىنە اللەرگياسى بار ادامدارعا جاقسى كومەكتەسەدى دەيدى.

ميحو اريساكا، فيزيوتەراپيەۆت:

- 15 جىلدىق تاجىريبەمدە ۆيستسەرالدى جۇيە ارقادا اۋىرسىنۋدىڭ پايدا بولۋىنا ىقپال ەتەتىنىن بايقادىم. سوندىقتان ىشەك پەن بيومەحانيكالىق ديسفۋنكتسيا اراسىنداعى بايلانىستى تۇسىنە باستادىم. بۇل گليۋتەن مەن سۇتكە اللەرگياسى بار ادامداردا بايقالادى. مۇنداي جاعدايدا دۇرىس تاماقتانۋدىڭ ماڭىزى زور.

ورازا ۇستاۋ قاتەرلى ىسىكتىڭ بەتىن قايتارادى

ا ق ش لوس- اندجەلەستەگى گەرونتولوگيا مەكتەبىنىڭ عالىمدارى ۇزاق جاساۋ ديەتاسىن ويلاپ تاپتى. 20 جىل بويى دۇرىس تاماقتانۋدى زەرتتەگەن مامان ديەتا تىزىمىنەن تابىلۋعا ءتيىس تاعامدارمەن ءبولىستى. ونىڭ ايتۋىنشا، ساۋ ءارى ۇزاق جاساعىسى كەلەتىن كەز كەلگەن ادام الدىمەن، ەت جەۋدى ازايتقانى ءجون. اپتاسىنا ەكى مارتە ەت، 3 رەت جۇمىرتقا تۇتىنۋ كەرەك. اقۋىزعا باي بالىق ونىمدەرىن دە كوبىرەك جەگەن ءجون. ال ىرىمشىك پەن جانۋارلاردان الىناتىن تاعامداردان باس تارتۋ كەرەك دەيدى. كوبىنە اش جۇرگەن ادام اۋىرمايدى. بۇل ادەت اعزادا قاتەرلى ىسىك تۋعىزبايدى. ياعني، وبىر دەرتىنە شالدىققان ناۋقاستارعا 5 كۇن 12، كەيدە ءتىپتى 13-14 ساعاتتان ورازا ۇستاۋ ىسىكتىڭ قايتالانۋ قاۋپىن بىرنەشە ەسە ازايتادى.

 تسيتاتا

ۆالتەر لونگو، گەرونتولوگيا جانە بيولوگيا عىلىمدارىنىڭ پروفەسسورى: 14 ساعات اش ءجۇرۋ ءادىسىن ىسىكتىڭ ناقتى ەمىمەن بىرىكتىرۋگە بولمايدى. ناۋقاس ايىنا ءبىر رەت حيميوتەراپيادان وتەتىن بولسا، بىرنەشە كۇن بۇرىن ديەتانى توقتاتۋ كەرەك. ورازانى قايتا باستاماس بۇرىن ەمنەن كەيىن دە بىرنەشە كۇن كۇتكەنى ءجون.

https://24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى