جاسى 11-15 تەگى جەتكىنشەكتەردىڭ 10 پايىزى تۇراقتى تۇردە ۆەيپ شەگەدى – د س م
11-15 جاستاعى جاسوسپىرىمدەردىڭ 10 پايىزى تۇراقتى تۇردە ۆەيپ شەگەدى.
بۇل تۋرالى دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«ەلىمىزدە ەرەسەك تۇرعىنداردىڭ 21 پايىزى تەمەكى تارتادى. بالالاردىڭ 20 پايىزى ارتىق دەنە سالماعىنان، ال 6 پايىزى سەمىزدىكتەن زارداپ شەگەدى. 11-15 جاستاعى جاسوسپىرىمدەردىڭ ۆەيپتەردى تۇراقتى تۇردە شەگۋى ؘ- 10، ەنەرگەتيكالىق، ءتاتتى سۋسىنداردى ءىشۋى 7,5 پايىز بولىپ وتىر. ارتىق دەنە سالماعىنىڭ تارالۋى 15 پايىز»، - دەدى اجار عينيات ۇكىمەت وتىرىسىندا.
وسى رەتتە مينيستر، العاشقى كومەكتىڭ قولجەتىمدىلىگىن ارتتىرۋ ءۇشىن اتقارىلىپ جاتقان جۇمىستارعا توقتالدى.
«مەديتسينالىق كومەكتىڭ 57 پايىزىن مەملەكەتتىك امبۋلاتوريالىق- ەمحانالىق ۇيىمدار، 43 پايىزىن جەكەمەنشىك ۇيىمدار كورسەتەدى. ياعني باسەكەلەستىك ءۇشىن جەكە مەديتسينا كەڭىنەن تارتىلۋدا. امبۋلاتوريالىق دەڭگەيدەگى قارجىلاندىرۋ ۇلعايدى. ول دۇنيەجۇزىلىك دەنساۋلىق ساقتاۋ ۇيىمى ۇسىنعان 60 پايىز جالپى كولەمنىڭ 56 پايىزىن قۇرادى. 3 جىلدىڭ ىشىندە كونسۋلتاتسيالىق- دياگنوستيكالىق كومەك 7 ەسە ءوستى، قىمبات ك ت قىزمەتتەرىنىڭ قولجەتىمدىلىگى 9 ەسە، م ر ت 6 ەسە ارتتى. وسى جىلدىڭ 6 ايىندا 200 ميلليون استام كونسۋلتاتسيالىق- دياگنوستيكالىق قىزمەت كورسەتىلدى»، - دەدى مينيستر.
