جاستار اراسىنداعى ازيا ويىندارى وزبەكستاندا وتپەيتىن بولدى

2025-جىلى تاشكەنتتە وتەتىن جاس وسپىرىمدەر اراسىنداعى ازيا ويىندارى وزبەكستاندا وتپەيدى. جارىستى باحرەين ەلى قابىلدايدى. بۇل اقپاراتتى وزبەكستان ۇلتتىق وليمپيادا كوميتەتىنىڭ باسپا ءسوز قىزمەتى راستادى. سونداي-اق، 2-جەلتوقساندا بۇل تۋرالى ازيا وليمپيادالىق كەڭەسى الەۋمەتتىك جەلىدەگى پاراقشاسىندا رەسمي تۇردە حابارلادى.

- ازيا وليمپيادالىق كەڭەسى وزبەكستان استاناسى تاشكەنتتە ءوتۋى ءتيىس بولعان جاس وسپىرىمدەر اراسىنداعى 3-ازيا ويىندارىنىڭ وتپەيتىنىن حابارلادى. 2024-جىلدىڭ 2-جەلتوقسانىندا اتقارۋ كەڭەسىنىڭ وتىرىسىندا قابىلدانعان شەشىمگە سايكەس، ەندى ءىس-شارا 2025-جىلى باحرەيندە وتەدى، - دەلىنگەن حابارلامادا.

ايتا كەتەيىك، 2019-جىلى قىركۇيەكتە دوحادا وتكەن حالىقارالىق وليمپيادا كوميتەتىنىڭ شەشىمىمەن وزبەكستان 2025-جىلعى ازيا ويىندارىن وتكىزۋ قۇقىعىنا يە بولعان ەدى. ءتىپتى، مينيسترلەر كابينەتىنىڭ 2020-جىلعى 8-تامىزدا «كونكۋرسقا دايىندىق شارالارى تۋرالى» قاۋلىسى بەكىتىلگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى