جاساندى زەيىن قاي سالاداعى مەمقىزمەتكەرلەردى جۇمىستان قىسقارتادى - مينيستر جاۋابى

- بىردەن ايتايىن، قانشا قىزمەتكەر قىسقاراتىنى تۋرالى ناقتى بولجام جوق. ءبىراق جاساندى زەيىن تەحنولوگياسى ءبىرىنشى كەزەكتە مەملەكەتتىك قىزمەتكەرلەردى قايتالاناتىن مىندەتتەردەن بوساتادى. وسىنىڭ ارقاسىندا قىزمەتكەرلەر جوعارى ينتەللەكتۋالدى، شىعارماشىلىق، ستراتەگيالىق جۇمىستارعا كوبىرەك كوڭىل بولە الادى. ياعني ادام ساناسى عانا ىستەي الاتىن جۇمىستارمەن عانا اينالىسۋىنا مۇمكىندىك جاسايدى. وسىلايشا مەملەكەتتىك اپپاراتتىڭ تيىمدىلىگىن ارتتىرعىمىز كەلەدى، - دەدى ول ۇكىمەتتىڭ كەڭەيتىلگەن وتىرىسىنان كەيىن وتكەن باسپا ءسوز ءماسليحاتىندا.

ونىڭ سوزىنشە، قىسقارتۋ مەملەكەتتىك ورگانداردىڭ جانىنداعى Call-ورتالىقتاردان باستالۋى مۇمكىن.

- وسىنىڭ اسەرىنەن مەملەكەتتى قىزمەتشىلەر 20 نەمەسە 30 پايىز قىسقارادى دەپ ايتا المايمىن. جەكەلەگەن وبلىستار، ۋچاسكەلەر بويىنشا ەسەپتەۋگە بولادى. قازىر سونداي ەسەپتەر جۇرگىزىپ جاتىرمىز. مىسالى Call-ورتالىقتاردا قانشا ادامدىڭ جۇمىستان قىسقارتۋعا بولاتىنىن ناقتى ەسەپتەپ شىعۋعا بولادى. ويتكەنى تۇرعىنداردان تۇسەتىن قوڭىراۋلاردى ماماندانعان جاساندى زەيىن قابىلداي الادى. جاساندى زەيىندى كومەكشى جاۋاپ بەرىپ، جول نۇسقاي الادى، - دەيدى جاسلان ماديەۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى