جاساندى ينتەللەكت قازاقشا ءتۇسىنىپ، قازاقشا سويلەيدى

اسىرەسە كەز كەلگەن سۇراققا توسىلماي جاۋاپ بەرەتىن ChatGPT تىلدىك مودەلىن بارلىعىمىز قولدانامىز. ەندى ونىڭ قازاقشا نۇسقاسى ازىرلەندى. ول قازاقشا سويلەيدى ءارى ءداستۇر سالتىمىزدان دا حاباردار.

اسپانديار نۇريمانوۆ، ISSAI دەرەكتەر تالداۋشىسى:

- ءبىز 150 ميلليارد استام توكەن جينادىق. ول تەك قازاق ينتەرنەتىنەن ەمەس، باسقا دا تىلدىك ينتەرنەتتەن دەرەكتەردى الىپ، سول دەرەكتەر ارقىلى ءبىزدىڭ مودەلىمىزدى ۇيرەتتىك سول تىلگە. سول ۇيرەتكەنىمىز بويىنشا قازاقتىڭ سالت-داستۇرىمەن، قالاي دۇرىس ستيلدە جازۋ كەرەك ەكەنىن ءبارىن تۇسىنەدى. ماسەلەن، ءسىز الەم جانە قازاقستان جايلى كەز كەلگەن سۇراعىڭىزعا جاۋاپ الا الاسىز. سول سەكىلدى تىلدىك مودەل قازاق، ورىس، اعىلشىن جانە تۇرىك تىلدەرىن جاقسى ءتۇسىنىپ، كەز كەلگەن ءماتىندى ەركىن اۋدارا الادى.

مامىربەك پاراحات، اقىلدى جۇيەلەر مەن جاساندى ينتەللەكت ينستيتۋتىنىڭ ساراپشىسى:

- ءبىز الەمدىك داتا سايت ارقىلى تەست جاسادىق. قازىر ەڭ جاقسى مودەل دەپ ايتساق بولادى. قولجەتىمدى ونلاين سايتتار بار عوي، سولاردان جاقسى اۋدارادى. اۋديونى دا اۋدارادى، تەكست ءماتىنىن دە اۋدارادى. قۇجاتتاردى دا جاقسى اۋدارادى. وتاندىق تىلدىك مودەل قاۋىپسىزدىك ءۇشىن دە قاجەت. ءبىز شەتەلدىك چات- بوتتاردى پايدالانعان سايىن ءوزىمىز جايلى دەرەكتەردى سىرتقا شىعارا بەرەمىز. ال مىنا جۇيە اقپاراتتىڭ ەل اۋماعىندا ساقتالۋىن قامتاماسىز ەتەدى. ماماندار سونىمەن بىرگە وسى ارقىلى مەملەكەتتىك قىزمەتكەرلەرگە ءتىل ۇيرەتۋگە دە بولاتىنىن ايتادى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى