جاساندى ينتەللەكت ەنگىزىلگەلى زاڭسىز قوقىس ۇيىندىلەرى ازايدى - مينيستر

- جاساندى ينتەللەكت تەحنولوگياسىن قولدانۋدىڭ ارقاسىندا قوقىس ۇيىندىلەرى جونىندە قازاقستان عارىش ساپارى ۇلتتىق كومپانياسى دەرەكتەرىنىڭ نەگىزىندە جۇمىس ىستەيمىز. ءاربىر فاكتىنى ماماندار تەكسەرىپ، تىركەيدى. سودان سوڭ قوقىستى جويۋ بويىنشا نۇسقاۋلىق بەرىلەدى، بەلگىلەنگەن ۋاقىتتا جويىلماسا اكىمشىلىك جاۋاپقا تارتىلادى. بيىل 159 قۇزىرلى قىزمەتكەر جاۋاپقا تارتىلدى، ونىڭ ىشىندە 59 ادام قالا جانە اۋدان اكىمدەرىنىڭ ورىنباسارلارى. جاساندى ينتەللەكت تەحنولوگياسىن ەنگىزىلگەلى بەرى زاڭسىز قوقىس ۇيىندىلەرىنىڭ سانى ازايدى، - دەدى ەكولوگيا جانە تابيعي رەسۋرستار ءمينيسترى ەرلان نىسانبايەۆ ۇكىمەتتىڭ كوشپەلى وتكەن وتىرىسىندا.

ءمينيستردىڭ مالىمدەۋىنشە، 2018 -جىلى 8700 زاڭسىز قوقىس الاڭى انىقتالعان، ال بيىل 4900 عا جۋىق ءۇيىندى تابىلدى.

- زاڭسىز اعاش كەسۋ ماسەلەسى كۇردەلى. جاساندى ينتەللەكتىنى قولدانعالى 2018 -جىلى 974 فاكتى تىركەلدى، ونىڭ ىشىندە 294 فاكتى زاڭسىز اعاش كەشۋ. ال بيىل 112 جاعداي انىقتالدى، ونىڭ ىشىندە 56 جاعداي بويىنشا ءىس سوتتا قارالىپ جاتىر. سوندىقتان جاساندى ينتەللەكتىنى پايدالانۋ قورشاعان ورتانى قورعاۋدا ءتيىمدى، - دەيدى ول.

ەسكە سالا كەتسەك، مەملەكەت باسشىسى قاسىم-جومارت توقايەۆ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى جولداۋىندا استانادا جاساندى ينتەللەكت ۇلتتىق ورتالىعىن ىسكە قوسۋدى تاپسىردى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى