جاساندى تۇسىك جاساتۋ تۋرالى زاڭ جوباسى ەلدى ەكىگە ءبولدى
استانا. KAZINFORM - يتاليا پارلامەنتى الدىندا جينالعان نارازىلىق بىلدىرۋشىلەر جۇكتىلىكتى توقتاتۋ ورتالىقتارىنا انا ماسەلەلەرى جونىندەگى كەڭەسشىلەردى ەنگىزۋدى كوزدەيتىن جاساندى تۇسىك تۋرالى زاڭ جوباسىن قابىلداۋعا قارسى، دەپ حابارلايدى Euronews.
جاساندى تۇسىك جاساتۋ ماسەلەسى يتالياندىق ساياساتتا ۇلكەن داۋ تۋدىرۋى مۇمكىن. نارازىلىق بىلدىرۋشىلەر سەناتورلار «انا ماسەلەلەرىن قولداۋ جونىندەگى كەڭەسشىلەرگە» جاساندى تۇسىك جاساتۋ كلينيكالارىندا جۇمىس ىستەۋگە مۇمكىندىك بەرەتىن داۋلى زاڭ جوباسىنا داۋىس بەرۋگە دايىندالىپ جاتقان ريمدەگى پارلامەنت عيماراتىنىڭ الدىنا جينالدى. تاڭداۋ ەركىندىگىن قولدايتىن بەلسەندىلەردىڭ پىكىرىنشە، بۇل زاڭ جوباسى تۇسىك جاساتۋعا قارسى ۇگىت-ناسيحاتشىلارعا جول اشىپ، رەپرودۋكتيۆتى قۇقىقتارىن تاپتايدى.
ەركىن تاڭداۋدى جاقتاۋشىلار پاندەميادان كەيىن قالپىنا كەلتىرۋگە ارنالعان ەكونوميكالىق دامۋ تۋرالى زاڭ جوباسى پرەمەر-مينيستر دجوردجي مەلونيدىڭ «يتاليا اعايىندىلارى» اسىرە وڭشىل پارتياسىمەن بايلانىستى ساياسي كۇشتەر جۇرگىزگەن تۇسىك تۇسىرۋگە قارسى كۇن تارتىبىنە ارنالعان ارەكەت ەكەنىن ايتادى.
مەلونيدىڭ ءوزى ونىڭ ۇكىمەتى يتاليانىڭ تۇسىك ءتۇسىرۋ تۋرالى زاڭدارىن الىپ تاستاعىسى كەلەتىنىن جوققا شىعارىپ، بۇل قۇجات ايەلدەردى جۇكتىلىكتى توقتاتۋدىڭ بالاما جولدارى تۋرالى حاباردار ەتۋدى ماقسات ەتەتىنىن ايتتى. ءبىراق بۇل ماسەلە بويىنشا قىزۋ پىكىرتالاس تۋدىرىپ، ول ماۋسىمدا وتەتىن ە و سايلاۋىنا اسەر ەتۋى مۇمكىن.
يتاليادا جاساندى تۇسىك جاساتۋ 1978 -جىلى زاڭداستىرىلعان.
اۆتور
زارينا تۋعانبايەۆا
