جاس عالىمدارعا تۇرعىن ءۇي الۋعا جەڭىلدەتىلگەن نەسيە بەرىلەدى
جاس عالىمداردى الەۋمەتتىك تۇرعىدان قولداۋ ماقساتىندا تۇرعىن ءۇي الۋ ءۇشىن جەڭىلدەتىلگەن نەسيە بەرىلەدى.
بۇل تۋرالى ق ر پارلامەنتى ءماجىلىسىنىڭ دەپۋتاتى اسحات ايماعامبەتوۆ ءمالىم ەتتى، دەپ حابارلايدى Kazinform.
«بۇگىن پارلامەنت دەپۋتاتتارى عالىمداردى الەۋمەتتىك قولداۋ بويىنشا زاڭ جوباسىن تالقىلاپ وتىرمىز. اتاپ ايتقاندا، جاس عالىمدارعا جەڭىلدەتىلگەن نەسيە بەرۋ ماسەلەسىن قاراستىرۋدامىز. ەكىنشىدەن پروفەسسور دارەجەسى بار عالىمدارعا قوسىمشا ۇستەماقى تولەۋ. سول سياقتى باسقا دا تۇرعىدان الەۋمەتتىك قولداۋ نورمالارىن ەنگىزىپ وتىرمىز. ودان بولەك، عالىمداردىڭ ۇزدىكسىز جالاقى الۋ ماسەلەسىن قاراستىرىپ وتىرمىز»، - دەدى اسحات ايماعامبەتوۆ ب ا ق وكىلدەرىنىڭ ساۋالىنا جاۋاپ بەرە تۇرىپ.
ونىڭ ايتۋىنشا، جاس نەسيە بەرۋدىڭ ەرەجە، تالابى مينيسترلىكتىڭ بۇيرىعى شىققاننان كەيىن ناقتى بەلگىلى بولادى.
«ءبىزدىڭ پرينتسيپ جاس عالىمدارعا وسىنداي مۇمكىندىك بەرۋ. ودان ءارى جۇزەگە اسىرۋ ول مينيسترلىكتىڭ قۇزىرەتىندە»، - دەيدى دەپۋتات.
بۇعان دەيىن حابارلاعانىمىزداي بۇگىن ادىلەت مينيسترلىگىندە بىرنەشە زاڭ جوباسى بويىنشا ۇكىمەت قورىتىندىسى قارالدى. اتالعان شاراعا ادىلەت ءمينيسترى ازامات ەسقارايەۆ جانە ءماجىلىس دەپۋتاتتارى قاتىستى.
