جاركەنتتە التى مىڭ توننا كوكونىس ساقتايتىن قويما سالىنىپ جاتىر

سەبەبى سەرىكتەستىكتەگىلەر باعباندار وسىرەتىن جەتى مىڭ توننا جەمىس- جيدەكتى قابىلداي الادى. ءارى ونى وتاندىق جانە كورشىلەس مەملەكەتتىڭ نارىعىنا شىعارۋعا مۇمكىندىگى بار. كاسىپكەر اتالعان جوبانىڭ العاشقى كەزەڭىن جۇزەگە اسىردى. ايانات توحتاحۋنوۆ مىڭ توننالىق قويمانىڭ قۇرىلىسىن بىلتىر اياقتادى. سىناقتان وتكىزىپ، تيىمدىلىگىن بايقاعان سوڭ بيىل دا مولىنان ءونىم ساقتاۋعا كىرىستى. نەگىزىنەن قىستىگۇنى كوپ سۇرانىسقا يە بولاتىن المانى الىس- جاقىننان الدىرتىپ جاتىر.

ايانات توحتاحۋنوۆ، كاسىپكەر:

- پانفيلوۆ اۋدانىنداعى حالىق سانى 150 مىڭنان اسادى. ءبىزدىڭ ايماقتا مۇنداي قويما بولماعان. سوندىقتان وسى جوبانى قولعا الدىق. جەرگىلىكتى شارۋالاردان ءونىم الدىق، ەندى قىتاي مەن يراننان الما ساتىپ الامىز. كەلەشەكتە ءوڭىر تۇرعىندارىن كوكونىسپەن قامتۋدى جانە ءوندىرىس ورنىن اشۋدى جوسپارلاپ وتىرمىز. جاركەنت وڭىرىندە مىڭنان اسا باعبان جەمىس- جيدەك وسىرۋمەن اينالىسادى. كاسىپكەر كەلەر جىلى سولارمەن تىعىز بايلانىس ورناتپاق. ءسويتىپ كۇزدە جەرگىلىكتى شارۋالاردىڭ ءونىمىن الىپ، قىستا نارىققا شىعارۋدى جوسپارلاپ وتىر. ول ءۇشىن التى مىڭ توننالىق قويما قۇرىلىسىن قولعا الدى. وبلىستا وسىنداي تاعى ەكى نىسان سالىنادى.

نۇرجان ءامىروۆ، اۋىل شارۋاشىلىعى باسقارماسىنىڭ ءبولىم باسشىسى:

- 24 جىلعا ينۆەستيتسيالىق جوبا بويىنشا ەكى جوبامىز بار. 5 مىڭ تونناعا جوسپارلانىپ وتىر. بىرەۋى پانفيلوۆ اۋدانىندا بىرەۋى تالدىقورعان قالاسىندا. ونىڭ ىشىنە كوكونىس كارتوپ ءسابىز، جەمىس- جيدەك ەكسپورتقا جانە ىشكى نارىقتا ساتىلۋعا جوسپارلانىپ جاتىر. وڭىردە ازىق- تۇلىك قاۋىپسىزدىگىن قامتيتىن 31 قويما بار. وندا بيىل 40 مىڭ تونناعا جۋىق جەمىس- جيدەك پەن كوكونىس ساقتالادى.

شىڭعىس قاليدەن، قۋانىش تۇرگەنبايەۆ

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى