جاقىن ارادا بۇيرىق كەلەدى - يزرايل قورعانىس ءمينيسترى

ول بۇعان دەيىن بىرنەشە رەت، سونىڭ ىشىندە ا ق ش- تىڭ قىسىمىمەن كەيىنگە قالدىرىلدى، دەپ حابارلايدى Kazinform euronews-كە سىلتەمە جاساپ.

گازا سەكتورىمەن شەكارادا ورنالاسقان يزرايل اسكەري كۇشتەرى جاقىن ارادا ونىڭ اۋماعىندا بولادى. بۇل تۋرالى يەۆرەي مەملەكەتىنىڭ قورعانىس ءمينيسترى يواۆ گالانت ءمالىم ەتتى.

- سەندەر قازىر گازانى الىستان كورىپ تۇرسىڭدار، كوپ ۇزاماي ونى ىشىنەن كورەتىن بولاسىڭدار. جاقىن ارادا بۇيرىق كەلەدى»، - دەدى ول.

ەلدىڭ ۇلتتىق قاۋىپسىزدىك كەڭەسىنە كىرەتىن ەكونوميكا ءمينيسترى نير باراكاتتىڭ ايتۋىنشا، ۇكىمەت اسكەرگە حاماس- تى جويۋعا بۇيرىق بەرگەن.

باقىلاۋشىلار گازادا قۇرلىق وپەراتسياسىن باستاۋ تۋرالى شەشىمنىڭ بىرنەشە رەت كەيىنگە شەگەرىلگەنىن، ونىڭ ىشىندە پالەستينالىقتاردىڭ گۋمانيتارلىق ماسەلەلەرىن رەتتەۋدى تالاپ ەتكەن ا ق ش- تىڭ قىسىمىمەن كەيىنگە قالدىرىلعانىن اتاپ ءوتتى.

- مەن يزرايلدە ايتقانىمداي، قانشالىقتى قيىن بولسا دا، ءبىز ەكى مەملەكەت تۋرالى شەشىمنەن باس تارتا المايمىز. يزرايل مەن پالەستينانىڭ ەكەۋى دە قاۋىپسىزدىكتە جانە بەيبىتشىلىكتە ءومىر سۇرۋگە بىردەي لايىق، - دەدى ا ق ش پرەزيدەنتى دجو بايدەن.

ا ق ش پرەزيدەنتى يزرايلگە ساپارى كەزىندە ەل بيلىگىن «اشۋدان كورسوقىر بولىپ قالماۋعا» شاقىرعانىن ايتتى. سونىمەن بىرگە دجو بايدەن امەريكا ءارقاشان يزرايل جاعىندا بولادى دەپ سەندىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى