جانىبەك ءالىمحان ۇلىنىڭ استانادا وتەتىن جەكپە-جەگى قاي تەلەارنادان كورسەتىلەدى
استانا. KAZINFORM - قازاقستاندىق جانىبەك ءالىمحان ۇلى (16-0، 11 ك و) مەن فرانسيالىق اناۋەل نگاميسسەنگەنىڭ (14-0، 9 ك و) استانادا وتەتىن جەكپە-جەگى قاي تەلەارنادان كورسەتىلەتىنى بەلگىلى بولدى.
ەلوردادا 5-ءساۋىر كۇنى بولاتىن بوكس كەشى «بارىس ارەنا» سپورت كەشەنىندە وتەدى.
جانىبەك ءالىمحان ۇلى IBF جانە WBO تۇجىرىمدامالارى بويىنشا ورتا سالماقتاعى چەمپيوندىق بەلبەۋىن قورعايدى.
بوكس كەشى «Qazsport» جانە «Qazaqstan» تەلەارنالارىنان تىكەلەي كورسەتىلەدى.
جانىبەك ءالىمحان ۇلى 1993-جىلى 1-ساۋىردە دۇنيەگە كەلگەن. اۋەسقوي بوكستا 2013-جىلى الەم چەمپيونى اتانسا، سول جىلى ازيا چەمپيوناتىندا جەڭىس تۇعىرىنا كوتەرىلدى.
2015-جىلدان بەرى كاسىپقوي بوكستا 16 جەكپە-جەكتىڭ بارلىعىندا جەڭىسكە جەتكەن.
بوكس كەشىنىڭ باعدارلاماسىندا وزگە دە قازاقستاندىق سپورتشىلار سىنعا تۇسەدى.
اتاپ ايتقاندا، جانكۇيەرلەر سۇلتان زاۋىربەك پەن ازينگا فۋزيلە، باتىر جۇكەمبايەۆ پەن كەين گاردنەر، بالاۋسا مۇزديمان مەن روزاليندا رودريگەس جەكپە-جەگىن كورۋىنە مۇمكىندىگى بار.
وعان قوسا كاسىپقوي رينگتە اعايىندى سابىرحاندار - ماحمۇد پەن تورەحان، وعان قوسا وزبەكستاندىق باحودير جالولوۆتىڭ باسەكەسى وتەدى دەپ جوسپارلانىپ وتىر.
