جانىبەك ءالىمحان ۇلى سۋپەرورتا سالماققا اۋىسا ما؟
استانا. قازاقپارات - The Ring باستى بوكس جۋرنالى ورتا سالماقتا IBF جانە WBO نۇسقالارى بويىنشا الەم چەمپيونى تۋرالى ماقالا دايىنداعان. Seconds Out قا بەرگەن سۇحباتىندا ءالىمحان ۇلى «كانەلونى» ەش قيىندىقسىز جەڭەتىنىن العا تارتىپ ەدى.
«كانەلومەن» بوكستاسۋعا 100 پايىز دايىنمىن. بۇل مەن ءۇشىن وڭاي بولادى. وتە وڭاي جۇمىس. ول بۇرىنعىداي بەلسەندى ەمەس»، - دەدى جانىبەك.
بۇل جايتقا قاتىستى The Ring (ساۋد ارابياسىنا تيەسىلى) الۆارەس ەشقانداي بوكسشى ءۇشىن وڭاي شاعىلار جاڭعاق بولماعانىن، ءبىراق جانىبەكپەن جەكپە-جەكتە مەكسيكالىق مىقتى قارسىلاستىڭ قانداي بولاتىنىن كورۋى مۇمكىن دەپ جازعان. ەگەر P4P جۇلدىزى شارشى الاڭدا مۇمكىندىك بەرسە، ءالىمحان ۇلى دەڭگەيى ءبىر باس جوعارى ەكەنىن دالەلدەۋگە مۇمكىندىك الادى دەپ وتىر.
سونىمەن قاتار The Ring ءالىمحان ۇلى ورتا سالماقتاعى تيتۋلدارىنان باس تارتىپ، اۋىرلاۋ سالماققا اۋىسقانى ءجون دەپ سانايدى. سەبەبى بۇل ديۆيزيونداعى وزگە چەمپيوندار «قازاق ستيلىمەن» بوكستاسۋعا اسىعار ەمەس.
ال «كانەلو» كەزەكتى ايقاسىن 5-مامىر كۇنى IBF چەمپيونى ۋيليام سكۋللمەن (23-0، 14 ك و) ەر-ريادتا وتكىزەدى. بىلتىر مەكسيكالىق سكۋللمەن توبەلەسۋدەن باس تارتقان. سوعان قاراماستان كۋبالىق بوكسشى بوس تۇرعان تيتۋلدى جەڭىپ الدى، سونىڭ ارقاسىندا ساۋلدىڭ ەكىنشى رەت ابسوليۋتتى چەمپيون اتانۋىنا مۇمكىندىگى بار.
