جانىبەك ءالىمحان ۇلى «كانەلوعا» تاعى دا ۇندەۋ جاسادى
استانا. KAZINFORM - كاسىپقوي بوكستان ورتا سالماقتا WBO/IBF تۇجىرىمدارى بويىنشا الەم چەمپيونى جانىبەك ءالىمحان ۇلى (16-0، 11 ك و) ەكىنشى ورتا سالماقتاعى ءۇش نەگىزگى بەلبەۋدىڭ يەگەرى مەكسيكالىق ساۋل «كانەلو» الۆارەس تۋرالى ايتتى.
«كانەلو؟ «مەن ونى تالاي رەت جەكپە-جەككە شاقىردىم»، - دەپ جازدى قازاق بوكسشىسى ءوز پاراقشاسىندا. الايدا، مەكسيكالىق داڭقتى بوكسشى جانىبەكتىڭ الەۋمەتتىك جەلىدە جازعاندارىنا مۇلدەم جاۋاپ بەرگەن ەمەس.
بۇگىن تاڭعا جۋىق جانىبەك ءالىمحان ۇلى ورتا سالماقتاعى تاعى ءبىر الەم چەمپيونى، WBC تيتۋلىنىڭ يەگەرى كارلوس ادامەستى وزىنە قارسى رينگكە شىققىسى كەلمەگەنى ءۇشىن سىنعا العان بولاتىن.
ءالىمحان ۇلىنىڭ كەلەسى جەكپە-جەگى 5-ساۋىردە استانادا وتەدى، ونىڭ قارسىلاسى فرانسۋز اناۋەل نگاميسسەنگۋە بولماق.
