جانارماي باعاسىنىڭ وسۋىنەن العان ۇستەمە كىرىس مەملەكەت پايداسىنا ءىشىنارا بولىنەدى

- ەنەرگەتيكا ءمينيسترىنىڭ 2025-جىلعى 27-قاڭتارداعى 43-ن/ق بۇيرىعىنا سايكەس، جانارماي باعاسىن مەملەكەتتىك رەتتەۋ جويىلدى. ياعني، جانارماي باعاسى نارىقتىق جاعدايلارعا بايلانىستى بولادى جانە بۇرىننان بار شەكتەۋلەر ەندى قولدانىلمايدى. ىشكى نارىقتا مۇناي مەن مۇناي ونىمدەرىنىڭ قۇنى تومەن بولعاندىقتان، مۇناي ءوندىرۋشى كومپانيالار كىرىستى ارتتىرۋ ءۇشىن باعانى كوتەرە الادى. الايدا، ەگەر ولار ارتىق پايدا تاپسا، وندا بۇل كىرىستىڭ ءبىر بولىگىن مەملەكەتتىك بيۋجەتكە جىبەرۋ ۇسىنىلادى، - دەپ اتاپ ءوتتى ۇلتتىق ەكونوميكا مينيسترلىگى اگەنتتىكتىڭ رەسمي ساۋالىنا وراي.

وسىعان بايلانىستى ۇلتتىق ەكونوميكا مينيسترلىگى 2018-جىلعى 6-ساۋىردەگى 173-قاۋلىعا وزگەرىستەر جوباسىن ازىرلەگەن. جوبا بەنزينگە (اۆياتسيادان باسقا) جانە ديزەل جانارمايىنا قوسىمشا اكتسيزدىڭ مولشەرلەمەسىن انىقتايدى. بۇل جانارماي وندىرۋشىلەر مەن ساتۋشىلاردىڭ ارتىق پايداسىنىڭ 80 پايىزىن قۇرايدى. ول سۋپەرمارجانىڭ 80 پايىزى اكتسيز تۇرىندە الىنىپ، بيۋجەتكە جىبەرىلەتىنىن بىلدىرەدى.

- باعانىڭ وسۋىنەن الىنعان ۇستەمە پايدا مۇناي كومپانيالارىندا تولىعىمەن قالمايدى، ءبىراق ءىشىنارا مەملەكەت پايداسىنا قايتا بولىنەدى. ماڭىزدىسى، قوسىمشا اكتسيز تەك باعالار كوتەرىلگەن جاعدايدا عانا الىنادى. قوسىمشا اكتسيز باعانىڭ وسۋىنە اكەلمەيدى. ءبىراق ۇستەمە پايدانىڭ ءبىر بولىگىن بيۋجەتكە قايتا ءبولۋ قۇرالى بولادى. ەكونوميكالىق تۇرعىدان العاندا، بۇل ءتاسىل ينفراقۇرىلىمدى نەمەسە الەۋمەتتىك باعدارلامالاردى دامىتۋ ءۇشىن پايدالى سالالارعا سالىناتىن سالىقتاردى پايدالانۋعا بولاتىندىعىمەن نەگىزدەلگەن. قاۋلى جوباسى تۇپكىلىكتى ەمەس، ويتكەنى قوعامدىق تالقىلاۋ ءجۇرىپ جاتىر، - دەپ تۇسىندىرەدى ۆەدومستۆودان.

بۇعان دەيىن جانارماي ساتۋدان تۇسكەن قوسىمشا تابىستىڭ 80 پايىزىن بيۋجەتكە باعىتتاۋدى كوزدەيتىن ۇكىمەت قاۋلىسىنىڭ جوباسى جاريالانعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى