جامبىل وبلىسىندا قارۋلى پوليتسيا قىزمەتكەرى ۇستالدى

تاراز قالاسىنداعى ۇ ق ك د قىزمەتكەرلەرى جامبىل وبلىسى پ د اقپاراتتىق تەحنولوگيالار جانە كوممۋنيكاتسيالار باسقارماسى ورتالىق اپپاراتى تەحنيكالىق قامتاماسىز ەتۋ ءبولىمىنىڭ اعا ينجەنەرى، پوليتسيا مايورىن ۇستادى.

تۇرعىلىقتى جەرىن ءتىنتۋ كەزىندە كالاشنيكوۆ اۆتوماتى، ۇشەۋى 7,62x39 م م پاتروندارعا ارنالعان بەس ا ك وق-ءدارى جانە 5,45x39 م م ەكى قىستىرعىش، ا ك وقپاندارىنا ارنالعان ەكى بەلدىك دوربا، 12 كاليبرلى شولاق مىلتىق، 328 دانا وق-ءدارى، ەكى 26x32 م م پاترون، 79 شاعىن كاليبرلى وق-ءدارى، مىلتىق تازالاۋعا ارنالعان جاشىك، ءتورت ماكاروۆ ر-411 تاپانشاسى تابىلىپ، تاركىلەندى.

ۇستالعان ازامات ىشكى ىستەر ورگاندارىندا 2011-جىلدان بەرى جۇمىس ىستەپ كەلگەن. باسقا مالىمەتتەر تەرگەۋ مۇددەسى ءۇشىن جاريا ەتىلمەيدى.

بۇعان دەيىن ەل بويىنشا 360 بىرلىك قارۋ، گراناتا مەن وق-ءدارى تاركىلەنگەنى حابارلانعان بولاتىن.

استانادا ەكى ەر ادامنان 270 كەلىدەن استام ەسىرتكى مەن قارۋ تاركىلەندى.

قىزىلوردادا سينتەتيكالىق ەسىرتكى جارنامالايتىن 71 سايت بۇعاتتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى