جامبىل وبلىسىندا كوشى-قوندى زاڭسىز ۇيىمداستىرعاندار ۇستالدى

جامبىل وبلىسى پروكۋراتۋراسىنىڭ مالىمەتىنشە، بيىل 19-قىركۇيەكتە قورداي اۋدانى پروكۋرورىنىڭ ۇيلەستىرۋىمەن ق ك- ءتىڭ 394-بابىنىڭ 2-بولىگى بويىنشا (ادامدار توبىمەن الدىن الا ءسوز بايلاسۋ ارقىلى زاڭسىز كوشى- قوندى ۇيىمداستىرۋ) پوليتسيا ءبولىمى قىلمىستىق ءىستى تىركەدى.

وسى جىلدىڭ 20-قىركۇيەگىندە قورداي اۋدانى پروكۋرورىنىڭ قاۋلىسىمەن اۋداندىق پوليتسيا، شەكارا قىزمەتى جانە ۇلتتىق قاۋىپسىزدىك ورگاندارىنىڭ تاجىريبەلى قىزمەتكەرلەرىنەن تۇراتىن ۆەدومستۆوارالىق جەدەل- تەرگەۋ توبى قۇرىلىپ، ولارمەن ءبىرقاتار تەرگەۋ امالدارى جۇرگىزىلدى.

ناتيجەسىندە وڭتۇستىك ازيا ەلدەرىنىڭ 20 ازاماتىن قىرعىز رەسپۋبليكاسىنان مەملەكەتتىك شەكارانىڭ وتكىزۋ پۋنكتتەرىنەن تىس جەرلەرى ارقىلى زاڭسىز كوشى- قوندى ۇيىمداستىرعان 3 قىلمىسكەر قۇرىقتالىپ (قازاقستان جانە قىرعىز ازاماتتارى)، قاماۋعا الىندى.

قازىرگى تاڭدا تەرگەۋ امالدارى جۇرگىزىلىپ جاتىر. باسقا مالىمەتتەر ق پ ك-ءتىڭ 201-بابىنىڭ تالاپتارىنا سايكەس جاريالانۋعا جاتپايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى