جاڭبىر، نايزاعاي، بۇرشاق – 9-تامىزدا اۋا رايى قانداي بولادى
استانا. KAZINFORM — قازگيدرومەت سينوپتيكتەرى 9-تامىز، جۇماعا ارنالعان اۋا رايى بولجامىن جاريالادى.
وڭتۇستىك سيكلون جانە ونىمەن بىرگە كەلەتىن اتموسفەرالىق فرونتتار قازاقستاننىڭ بۇكىل اۋماعىنا اسەر ەتەدى.
سوندىقتان اۋا رايىنىڭ تۇراقسىز سيپاتى ساقتالادى: نايزاعاي جارقىلداپ، بۇرشاق جانە داۋىلمەن بىرگە جاڭبىر جاۋادى، باتىستا، سولتۇستىك-باتىستا، سولتۇستىكتە، ورتالىقتا قاتتى جاڭبىر جاۋادى.
رەسپۋبليكا بويىنشا جەل كۇشەيەدى، وڭتۇستىكتە شاڭدى داۋىل، سولتۇستىك- باتىستا، سولتۇستىكتە تۇندە جانە تاڭەرتەڭ تۇمان تۇسەدى.
كۇندىز الماتى، تۇركىستان، جامبىل، شىعىس قازاقستان، جەتىسۋ وبلىستارىندا، اباي وبلىسىنىڭ وڭتۇستىگىندە جانە قىزىلوردا وبلىسىندا قاتتى ىستىق ساقتالادى.
سولتۇستىكتە، الماتى وبلىسى مەن جەتىسۋ وبلىسىنىڭ ورتالىعىندا، تۇركىستان وبلىسىنىڭ ءشولدى اۋداندارىندا وتە قاتتى اپتاپ ىستىق بولادى.
بارلىق دەرلىك وڭىردە توتەنشە جانە جوعارى ءورت قاۋپى بار.
