جاھاندىق ايەلدەر سامميتىنە قازاقستاننان كىم قاتىسادى
استانا. KAZINFORM - يسپانيانىڭ مادريد قالاسىندا 9-11-مامىر كۇندەرى «جاھاندىق ايەلدەر سامميتى» فورۋمى وتەدى. وعان ق ر سىرتقى ىستەر ءمينيسترىنىڭ ورىنباسارى نازيرا نۇربايەۆا بارادى.
جاھاندىق ايەلدەر سامميتى يسپانيا پاتشايىمى لەتيتسيانىڭ قامقورلىعىمەن جىل سايىن ۇيىمداستىرىلادى.
وندا الەمنىڭ تۇكپىر-تۇكپىرىنەن كەلەتىن ايەل كوشباسشىلارى ازىرلەگەن شەشىمدەرى جانە ستراتەگيالارىن ءبولىسۋ ارقىلى ايەلدەردىڭ ەكونوميكالىق مۇمكىندىكتەرىن كەڭەيتۋ ماسەلەسىن تالقىلاۋ جوسپارلانىپ وتىر.
«ساپار اياسىندا نازيرا نۇربايەۆا «ايەلدەر: بولاشاق ەكونوميكاسىن جانداندىرۋ» تاقىرىبىنداعى مينيسترلەر دەڭگەيىندەگى دوڭگەلەك ۇستەلگە قاتىسىپ، قازاقستاننىڭ گەندەرلىك ساياساتتاعى ەلەۋلى جەتىستىكتەرىن جانە قازاقستان ۇكىمەتىنىڭ، ب ۇ ۇ- ايەلدەر قۇرىلىمىنىڭ جانە قازاقستاندىق ايەلدەردىڭ ەكونوميكالىق قۇقىقتارى مەن مۇمكىندىكتەرىن كەڭەيتۋگە باعىتتالعان ۇ ە ۇ بىرلەسكەن كۇش-جىگەرى تۋرالى اقپارات ۇسىنادى»، - دەدى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ اپتالىق بريفينگتە.
