جاڭاجىلدىق داستارقانعا قويىلاتىن 7 تاعامنان ساقتانىڭىز

Aikyn.kz ەكى اپتادان كەيىن باستالاتىن جاڭاجىلدىق مەيرامدا وتباسى مەن قوناقتارعا ۇسىنىلاتىن تاعامداردىڭ پايداسى مەن زيانىن بريتاندىق The Telegraph ماتەريالىنا سۇيەنىپ تالدايدى.

جاڭا جىل - كوپشىلىكتىڭ سۇيىكتى مەيرامدارىنىڭ ءبىرى. قوناقجاي قازاق وتباسىندا بۇل كۇندەرى جاقسى كوڭىل كۇي، داستارقان تولى تاماق پەن مەرەكەلىك ەنەرگيا جوعارى دەڭگەيدە بولادى. ءبىراق جاڭا جىل مەيرامىندا تاعامداردىڭ الۋان تۇرلەرىن تويىپ جەۋ دە ادام اعزاسىنا سالماق سالاتىنى بەلگىلى. تاماقتى تاڭداپ جەۋ مەيرام كۇندەرىندە اسقازان مەن ىشەكتىڭ دۇرىس جۇمىس ىستەۋىنە كومەكتەسەدى. سونىمەن، الداعى مەيرام كۇندەرىنە قانداي گاسترونوميالىق كەڭەستەر بەرۋگە بولادى. مامانداردى تىڭدايىق.

1. وڭدەلگەن ۇن تاعامدار

ءبارىمىز جاقسى كورەتىن - ءدامدى بالىشتەر، تورتتار مەن پىسپەناندار مەرەكەلىك تاعامداردىڭ تورىندە تۇرادى. ولاردىڭ پايداسى مەن زيانىن ۇدايى ەستە ساقتاۋ كەرەك. ءبىراق اقۋىز بەن تالشىق قان قۇرامىنداعى قانتتى تۇراقتاندىرۋ، جاقسى ىشەك باكتەريالارىن قورەكتەندىرۋ جانە مەرەكەلەر كەزىندە ءسىزدى قۋاتتاندىرۋ ءۇشىن وتە قاجەت.

ۇيدە بولسىن نەمەسە دوستارمەن بىرگە مەيرامحانالاردا تاماقتانعاندا دا وڭدەلگەن تاعامداردان اۋلاق بولۋ ءۇشىن تارەلكەگە الدىمەن كوكونىستەر مەن اقۋىزدى تولتىرىپ الىڭىز. مىسالى، جاڭاجىلدىق مازىردە ەت جانە ۇن تاعامدارى مول بولعاندا بريۋسسەلدىك جانە قىزىل قىرىققاباتتار، قىزىلشا، باكلاجان، ءسابىز، اسقاباق، رۋكولا، شپينات، قىزاناق، قيار، بروككولي سياقتى ىشەككە پايدالى تاعامدارمەن ءوزىڭىزدى قۋانتىڭىز. وسىلايشا، ۇزاق مەرەكە كۇندەرىنەن كەيىن ءوزىڭىزدى وتە جەڭىل جانە جاقسى سەزىنەتىن بولاسىز.

2. قانتى كوپ تاعامدار مەن سۋسىندار

جاڭا جىل قانتى كوپ ءتاتتى تاعامدارسىز بولمايدى. ءبىراق قانتى تىم كوپ تاعامدار ىشەكتەردىڭ جۇمىسىن بۇزادى، پايدالى باكتەريالاردى جويىپ، ءتۇرلى قابىنۋلار تۋعىزادى. قانداعى قانتتىڭ كوتەرىلۋىنە دە سەبەپكەر بولادى، بۇل ادامدى شارشاۋعا، ءوزىن جايسىز اۋىر سەزىنۋگە الىپ كەلەدى.

ديەتولوگتار مەرەكە كۇندەرى قانتى بار تاعامداردى شەكتەمەي-اق نەمەسە مۇلدەم الىپ تاستاماي-اق تەڭگەرىمدى ساقتاپ، مۇقيات تاماقتانۋعا كەڭەس بەرەدى. تالشىق پەن اقۋىزى مول تاماقتان كەيىن ءتاتتى تاعامداردى تاڭداپ جەۋگە بولادى. سونداي-اق سۋسىندارداعى قانتتىڭ مولشەرىن دە ۇمىتپاۋ كەرەك. شىرىندار مەن سيروپتار تاڭداعاندا قانتى از كوكتەيلدەردى تاڭداعان پايدالى.

3. قايتالاپ تاماقتانۋ

جاڭا جىل بىرنەشە كۇنگە سوزىلاتىندىقتان، ادامنىڭ اس ءمازىرى قايتالانۋى مۇمكىن: ءبىر كۇنى ەت تاعامدار، كۇركەتاۋىق، كەلەسى كۇنى دە ارتىلعان تاعامداردى قايتالاپ جەۋ سياقتى. بۇل ىشەكتىڭ قالىپتى جۇمىس ىرعاعى ءۇشىن قاجەت قورەكتىك زاتتاردى ازايتىپ جىبەرەدى. سوندىقتان ىشەك جۇمىسىن ءبىرقالىپتى باقىلاۋدا ۇستاۋ ءۇشىن كۇن سايىن تاڭەرتەڭ Epetome سياقتى سينبيوتيكالىق كاپسۋلالارىن قابىلداعان جاقسى ناتيجە بەرەدى. ونىڭ قۇرامىندا ىشەك جۇمىسىن جاقسارتاتىن وتە قاجەت D3 ۆيتامينى، بيوتين جانە مىرىشپەن بىرگە 50 ميلليارد ءتىرى باكتەريا بار. وسىنداي بيولوگيالىق پايدالى قوسپالار سالاۋاتتى ديەتانى الماستىرمايدى، ءبىراق ولار مەرەكەلىك داستارقاننىڭ اۋىرلىعىن ءبىرشاما باسىپ، ولقىلىقتاردى تولتىرۋعا كومەكتەسەدى.

4. ۇيقىنىڭ بولماۋى

ۇزاق تۇندە تاماقتانۋ جانە ۇيقى رەجيمىنىڭ بۇزىلۋى اس قورىتۋ مەن ىشەكتەردىڭ جۇمىسىن قيىنداتىپ جىبەرەدى. ۇيقى - بۇل ءبىزدىڭ دەنەمىزدىڭ شارشاعاننان كەيىن قالپىنا كەلەتىن ۋاقىتى. ۇيقى بۇزىلسا ىشەكتىڭ قانتتى وڭدەۋى مەن قورەكتىك زاتتاردى ءسىڭىرۋى قيىنعا سوعادى. ناشار ۇيقىدان كەيىن ادامنىڭ قارنى اشۋى سەزىمى كۇشەيەدى، بۇل ءتاتتى نەمەسە وڭدەلگەن تاعامدارعا كوبىرەك قۇمارلىقتى وياتادى. الكوگول دە ۇيقىنى بۇزۋ ارقىلى جاعدايدى ناشارلاتادى، بۇل اعزانىڭ شارشاۋىنا الىپ كەلەدى.

ۇيقىنى جاقسارتۋ ءۇشىن مەن ۆالەريان تامىرىنان جاسالعان «ۇيقى» شايىن ىشۋگە بولادى، ماگني قوسپاسىن ءىشۋ مەن ۇيىقتار الدىندا 90 مينۋت بۇرىن جىلى ۆاننا نەمەسە دۋش قابىلداعان كومەكتەسەدى.

تۇراقتى ۇيقى رەجيمى ادامعا كۇش-قۋات بەرىپ قانا قويمايدى، سونىمەن قاتار اس قورىتۋ مەن ىشەك قىزمەتىن قالپىنا كەلتىرۋ ءۇشىن دەمالىس بەرەدى.

5. الكوگول

ءالى دە الكوگول ءبىراز مەيرامداردىڭ بولىگى بولىپ سانالادى. ءبىراق ول پايدالى باكتەريالاردى جويادى، ىشەك شىرىشتى قابىعىنىڭ قابىنۋىن تۋدىرادى جانە اس قورىتۋدى باسەڭدەتەدى. ارينە، الكوگولدەن تولىعىمەن باس تارتۋ قيىن بولۋى مۇمكىن، دەگەنمەن بىرتىندەپ ازايتۋ دەنساۋلىق ءۇشىن پايدالى بولار ەدى.

سوندىقتان الكوگولدى سۋسىنداردى سمۋزي دايىنداعان كەزدە شامالى قوسىپ، ىشەكتىڭ جۇمىسىن جەڭىلدەتكەن دۇرىس. الكوگولدى سۋسىنداردى سۋمەن الماستىرۋ، ميكروبيومدى قورعاۋ ءۇشىن تالشىققا باي تاعامداردى كوبىرەك جەۋ كەرەك. دارىگەرلەر الكوگولدى سۋسىنداردىڭ اعزاعا زياندى اسەرىن ازايتۋ ءۇشىن ولاردى مۇلدەم قولدانباۋعا كەڭەس بەرەدى. بۇل ادامنىڭ مەيرامنان كەيىن ءوزىن سەرگەك سەزىنۋى ءۇشىن وتە ماڭىزدى.

6. اعزانىڭ سۋسىزدانۋى

جاڭاجىلدىق داستارقاندا تاماق پەن سۋسىن كوپ بولسا، گيدراتاتسيا تۋرالى ۇمىتۋ وڭاي، ءبىراق سۋ ىشەك قىزمەتىندە شەشۋشى ءرول اتقارادى. اعزانىڭ سۋسىزدانۋى ىسىنۋگە، اس قورىتۋدىڭ باياۋلاۋىنا جانە قانتقا قۇمارلىقتىڭ ارتۋىنا اكەلەدى.

كۇن سايىن تاڭەرتەڭ كوفە نەمەسە شايدىڭ الدىندا ۇلكەن ستاقانمەن (شامامەن 300 مل) سۋ ىشكەن پايدالى. 1,5-2 ليترلىك بوتەلكەگە سۋ قۇيىپ الىپ، كۇنى بويى ءىشىپ جۇرگەن ادامنىڭ قۋاتىن جوعالتپاۋىنا كومەكتەسەدى. الكوگولدى ىشكەن كەزدە دە سۋدى ءجيى، كوبىرەك ءىشۋ كەرەك. بۇل قاراپايىم ءتاسىل اعزانى سۋسىزدانۋدان ساقتايدى.

7. قوزعالىستىڭ ازدىعى

قوزعالىس - ىشەك دەنساۋلىعىن جاقسارتۋدىڭ ەڭ ءتيىمدى تاسىلدەرىنىڭ ءبىرى. ول اس قورىتۋدى جەڭىلدەتەدى، ءىسىنۋدى ازايتادى جانە ۇزاق دەمالىستا سترەستى باسقارۋعا كومەكتەسەدى.

جاڭا جىل مەيرامىندا كۇندەلىكتى تاڭەرتەڭ وتباسىمەن تۇسكى اسقا دەيىن ۇزاق سەرۋەندەۋگە كەڭەس بەرەمىز. بۇل زات الماسۋدى جاقسارتادى جانە كۇنى بويى جاقسى كوڭىل كۇيدە جۇرۋگە كومەكتەسەدى. سونداي-اق مەيرامدا وزىڭىزگە ۇنايتىن سپورت تۇرلەرىنە كوڭىل ءبولىڭىز. وسىنىڭ ءبارى دەنەنى كۇشەيتىپ قانا قويمايدى، سونىمەن قاتار ادامنىڭ سابىرلى جانە قالىپتى ءىس-ارەكەتتەرىنە العىشارتتار جاسايدى.

پايدالى كەڭەستەر

جاڭا جىلدى تويلاۋ ءوزىڭىزدى ەمدەۋ جانە دەمالۋ ۋاقىتى، ءبىراق بۇل اس قورىتۋ مەن ىشەك جولدارىنىڭ دا جاقسى جۇمىس ىستەۋىنە كوڭىل بولەتىن ۋاقىت. جوعاردى ايتىلعانداي، ومىرىڭىزگە قاراپايىم وزگەرىستەر ەنگىزۋ ارقىلى دەنەڭىز بەن اقىل-ويىڭىزدى قالىپتى ۇستاپ، ءوزىڭىز ۇناتاتىن بارلىق تاعامداردان قاناعات الاسىز. ول ءۇشىن تەپە-تەڭدىك ماسەلەسىن ۇمىتپاۋ كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى