جاڭا ستاندارت: قازاقستان مەكتەپتەرىنە «الەم ادەبيەتى» ءپانى ەنگىزىلە مە

- وقۋ-اعارتۋ ءمينيسترىنىڭ 2025 -جىلعى 23 -قاڭتارداعى №12 بۇيرىعىمەن بەكىتىلگەن مەملەكەتتىك نەگىزگى ورتا ءبىلىم بەرۋ ستاندارتىنا سايكەس ءبىلىم بەرۋ ۇيىمدارى، قازاق ادەبيەتى، ورىس ادەبيەتى مىندەتتى پاندەرىمەن قاتار، الەم ادەبيەتىن وقىتۋدى ۆارياتيۆتىك كومپونەنتى ەسەبىنەن جۇزەگە اسىرۋ مۇمكىندىگى قاراستىرىلعان. الەم ادەبيەتىن ءۆارياتيۆتى كومپونەنت ساعاتتارى ەسەبىنەن وقىتىلۋى مۇمكىن، - دەپ جازىلعان مينيسترلىك مالىمەتىندە.

ال وسى ۆارياتيۆتى كومپونەنت (پەداگوگتىڭ قالاۋى بويىنشا ساباقتان تىس وقۋشىلارمەن جۇرگىزەتىن شىعارماشىلىق جۇمىسى) ەسەبىنەن ۇيىمداستىرىلاتىن الەم ادەبيەتى ءپانىن وقۋ باعدارلاماسىن ءمۇعالىم ءوزى ازىرلەۋ كەرەك.

- قازىرگى قولدانىستاعى مەملەكەتتىك جالپىعا مىندەتتى ءبىلىم بەرۋ ستاندارتى بويىنشا الەم ادەبيەتى وقىتىلمايدى. ۆارياتيۆتىك كومپونەنت ەسەبىنەن جۇزەگە اسىرۋ مۇمكىندىگى قاراستىرىلعان جاعدايدا ۆارياتيۆتى كومپونەنتتىڭ كۋرستارى مەن پاندەرىنىڭ باعدارلامالارىن مەكتەپ مۇعالىمدەرى ازىرلەيدى. ال مەكتەپ وقۋلىقتارىن دايارلاۋ جالپى ءبىلىم بەرۋ پاندەرى مەن تيپتىك وقۋ باعدارلامالارىنا سايكەس باسپالار ارقىلى جۇزەگە اسىرىلادى، - دەپ جازادى مينيسترلىك ماماندارى.

بۇعان دەيىن جاڭا ءبىلىم بەرۋ ستاندارتى كەيبىر مەكتەپتەرگە وقۋ پاندەرى بىرىكتىرىپ وقىتۋعا مۇمكىندىك بەرەتىنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى