جاڭا ەرەجە: الماتىدا موپەدتەرگە رەيد جۇرگىزىلدى

قۇجاتسىز جانە قورعانىس قۇرالدارىنسىز موتوتسيكلدەردى باسقاراتىن كامەلەتكە تولماعان جۇرگىزۋشىلەرگە ەرەكشە نازار اۋدارىلدى.

- ءبىز بۇل رەيدتى ايىپپۇل سالۋ ءۇشىن وتكىزىپ جاتقان جوقپىز. ءبىزدىڭ ماقساتىمىز - ەسكەرتۋ، ءتۇسىندىرۋ جانە جاڭا تالاپتارعا بەيىمدەلۋگە كومەكتەسۋ. وكىنىشكە قاراي، سوڭعى جىلدارى موپەدتەر جول اپاتتارىنا ءجيى ۇشىراپ جاتىر. جۇرگىزۋشىلەر اراسىندا كۋالىگى مەن دۇلىعاسى جوق جاسوسپىرىمدەر ءجيى كەزدەسەدى. ءبىز مۇنىڭ قايعىلى وقيعامەن اياقتالۋىن قالامايمىز. پوليتسيا ىشكى ىستەر ءمينيسترى جاريالاعان الدىن الۋ جىلى اياسىندا ارەكەت ەتۋدە. ءبىز قاۋىپسىزدىك پەن ءتارتىپتى جاقتايمىز جانە بارلىعىن - جۇرگىزۋشىلەر مەن جاياۋ جۇرگىنشىلەردى - زاڭدى ساقتاۋعا شاقىرامىز، - دەدى، الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى سەرىك شۋمايەۆ.

ايتۋىنشا، جىل باسىنان بەرى الماتى جولدارىندا موپەدتەردىڭ قاتىسۋىمەن 197 جول اپاتى بولدى. سالدارىنان 2 ادام قازا تاۋىپ، تاعى 203 ادام ءارتۇرلى اۋىرلىقتاعى دەنە جاراقاتىن الدى.

- بۇل ستاتيستيكا ءوزى ايتىپ تۇر. جاڭا ەرەجەلەر جاي عانا فورمالدىلىق ەمەس. بۇل جولدارداعى ءتارتىپ پەن ءومىردى ساقتاۋعا جاسالعان قادام. ادامدار ەرەجەلەردى ساقتاۋدىڭ ماڭىزدىلىعىن تۇسىنگەنىن قالايمىز، - دەدى سەرىك شۋمايەۆ.

بۇعان دەيىن موپەدتەرىن تىركەمەگەندەرگە قانداي جاۋاپكەرشىلىك كوزدەلگەنىن جازعان ەدىك.

ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ جول ەرەجەسىن بۇزعان موپەد جۇرگىزۋشىلەرىنە جازا قاتاڭداتىلاتىنى تۋرالى ايتقان بولاتىن.

اۆتور

الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى