جاڭا ەرەجە: الماتىدا 181 موپەد ايىپتۇراققا قويىلدى
الماتى. قازاقپارات - 5-ساۋىردەن باستاپ تىركەلمەگەن موپەدتەردى باسقارۋعا جانە جۇرگىزۋشى كۋالىگىنسىز جۇرگىزۋگە تىيىم سالىندى.
قازاقستاندا 5-ساۋىردە جاڭا زاڭ نورمالارى كۇشىنە ەندى، وعان سايكەس موپەدتەر رەسمي تۇردە مەحانيكالىق كولىك قۇرالدارىنا تەڭەستىرىلدى. بۇل وزگەرىس كولىك قوزعالىسى قاۋىپسىزدىگىن ارتتىرۋ جانە جولداعى ءتارتىپتى نىعايتۋ ماقساتىندا ەنگىزىلدى.
الماتىدا پوليتسيا قىزمەتكەرلەرى جۇرگىزۋشى كۋالىگىن، موپەدتى تىركەۋدى تەكسەرۋ ءۇشىن رەيد جۇرگىزىپ جاتىر.
- جاڭا ەرەجەلەر كۇشىنە ەنگەن كۇننەن بەرى مەگاپوليستە 552 جول قوزعالىسى ەرەجەسىن بۇزۋ دەرەگى انىقتالدى. ونىڭ ىشىندە 181 موپەد ايىپتۇراققا قويىلدى، - دەپ جاۋاپ بەردى الماتى پوليتسيا دەپارتامەنتى Kazinform اگەنتتىگى جولداعان ساۋالعا.
بۇعان دەيىن موپەدتەرىن تىركەمەگەندەرگە قانداي جاۋاپكەرشىلىك كوزدەلگەنى تۋرالى جانە موپەد يەلەرى ەندى A1 ساناتىنداعى جۇرگىزۋشى كۋالىگىن الۋعا مىندەتتەلگەنى تۋرالى جازعان ەدىك.
