جاڭا جىلدان باستاپ سۋ سالاسى قىزمەتكەرلەرىنىڭ جالاقىسى 25 پايىزعا ارتادى
كەلەسى جىلدىڭ 1- قاڭتارىنان باستاپ سۋ سالاسى قىزمەتكەرلەرىنىڭ ەڭبەكاقىسى ورتا ەسەپپەن 25 پايىزعا ۇلعايادى. سۋ رەسۋرستارى جانە يرريگاتسيا مينيسترلىگى ءتيىستى شارالاردى ازىرلەپ جاتىر، دەپ حابارلايدى Kazinform.
بۇدان بولەك، قازاقستاننىڭ ءار وڭىرىندە سۋ رەسۋرستارىن ءبولۋ جانە ونى پايدالانۋدى باقىلاۋ ماسەلەلەرىمەن اينالىساتىن بولىمدەر پايدا بولادى.
«سۋ سالاسىندا قىزمەت ەتۋدىڭ تارتىمدىلىعىن ارتتىرۋ قاجەت، ەڭبەكاقىنى كوتەرۋ - وسى باعىتتاعى ماڭىزدى قادامداردىڭ ءبىرى. ارينە، جۇمىس ىستەپ جۇرگەن كادرلاردى سالادا ۇستاپ قالىپ قانا قويماي، ۋاقىت تالابىنا ساي مامانداردىڭ جاڭا تولقىنىن دايىنداۋ دا ماڭىزدى. مينيسترلىك ءتيىستى ۇسىنىس ەنگىزۋ بويىنشا جۇمىس ىستەپ جاتىر»، - دەيدى ق ر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
