جاڭا جىلدان باستاپ كىمدەردىڭ جالاقىسى وسەدى
ەڭبەكمينى ازاماتتىق قىزمەتشىلەرگە، مەملەكەتتىك بيۋجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسىنە وزگەرىستەر ەنگىزۋ تۋرالى ۇكىمەت قاۋلىسىن دايىندادى.
اتاپ ايتقاندا، بىلىكتىلىك ساناتتارىنا قولدانىلاتىن كوەففيتسيەنتتەردى ارتتىرۋ قاراستىرىلعان.
ورىندالاتىن جۇمىستاردى بەلگىلى ءبىر كۇردەلىلىككە جاتقىزۋ جانە جۇمىسشىلارعا بىلىكتىلىك رازريادتارىن بەرۋ جۇمىسشىلاردىڭ جۇمىستارى مەن كاسىپتەرىنىڭ ءبىرىڭعاي تاريفتىك-بىلىكتىلىك انىقتامالىعىنا، جۇمىسشى كاسىپتەرىنىڭ تاريفتىك-بىلىكتىلىك سيپاتتامالارىنا سايكەس جۇرگىزىلەدى.
ازاماتتىق قىزمەتشىلەردىڭ قۇرامىنا بىلىكتى جۇمىسشىلار كىرەدى.
تۇسىندىرىلگەندەي، كوەففيتسيەنتتەردىڭ ۇلعايۋى 2024-جىلدىڭ 1- قاڭتارىنان باستاپ ەڭ تومەنگى جالاقىنىڭ 85 مىڭ تەڭگەگە دەيىن كوتەرىلۋىنە بايلانىستى قاراستىرىلعان، ەڭبەك زاڭناماسىنا سايكەس ءبىرىنشى رازريادتى جۇمىسكەردىڭ ەڭبەك، ۇجىمدىق شارتتاردىڭ تالاپتارىندا جانە (نەمەسە) جۇمىس بەرۋشىنىڭ اكتىلەرىندە كوزدەلگەن ايلىق جالاقىسىنىڭ ەڭ تومەن مولشەرى ايلىق جالاقىنىڭ ەڭ تومەن مولشەرىنەن كەم بولماۋعا ءتيىس.
قاۋلى 2024-جىلدىڭ 1- قاڭتارىنان باستاپ كۇشىنە ەنەدى.
قۇجات 30- قاراشاعا دەيىن قوعامدىق تالقىلاۋ ءۇشىن «ن ق ا» سايتىندا ورنالاستىرىلعان.
BAQ. KZ
